মনিপুরদা সেক্যুরিটিগী মপাঙ্গল কনখৎহন্নবা, লো এন্দ ওর্দরগী ফীভম হেন্না ফগৎহন্নবা অমদি নেস্নেল হায়ৱেশিংগী তোঙান তোঙানবা এরিয়াশিংদা খুন্নাইগী মায়োক্তা লৈরিবা লমহেন-তুহেনবশিংনা লম্বী থিংজিন্দুনা গারিশিং চত্থোক-চৎশীন তৌবদা অপনবা পীরিবা ময়াম অসী খূদক্তা অকনবা এক্সন লৌখত্তুনা লাকশীন্নবা, মহৌশাগুম মখল খূদীঙমক্কি গারিশিং চত্থোক-চৎশিন তৌবা য়াননবা ৱাফমশিং খন্নখ্রে।
য়ুনিফাইদ কম্মান্দগী মীফম অদূ চিফ মিনিষ্টরনা চ্যের লৌদুনা সি এম সেক্রেটরিয়েত্তা পাঙথোকখিবনি। মীফমদুদা সেক্যুরিটি এদভাইজর কুলদিপ সিংহ, চিফ সেক্রেটরি পুনিট কুমার গোয়ল, দি জি পি মুকেশ সিংহ, এদ্দিস্নেল দিরেক্টর জেনরেল ওফ পুলিস (ইন্টেলিজেন্স) লারি দোর্জি লাতু, আই জি এ আর (সাউথ) মেজর জেনরেল গৌরব শর্মা, ৫৭ শুবা মাউন্টেন্ট দিভিজনগী জি ও সি মেজর জেনরেল সুভাঙ্কর বাসু অমদি সি আর পি এফ (মনিপুর এন্দ নাগালেন্দ) সেক্তরগী আই জি রাজেন্দ্র নরায়ন দাস শরূক য়াখি।
অৱাংবা থাক্কী মীফম অদূ লোইরবা মতূঙদা চিফ মিনিষ্টরনা মকোকথোংবা সেক্যুরিটি ওফিসিয়েলশিং অমসুং ট্রান্সপোর্টরশিংগা মখাতানা মীফম পাঙথোক্তুনা নেস্নেল হায়ৱেশিংদা বস সার্বিস হৌহন্নবগী মতাংদা কূপ্না খন্ন-নৈনখি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা