ঙরাং ফল লাউথোকখিবা বিহার এসেমব্লী মীখলদা বিজেপি -জে দি য়ুনা লুচিংবা এন দি এনা মমাঙদা অমুক্তা ওইখিদ্রিবা মওংদা য়াম্না চাউনা মায় পাক্তুনা লৈঙাক শেম্নবা থৌরাং তৌখ্রে। বিহারগী অপূনবা এসেমব্লী সিট ২৪৩ লৈবগী মনূঙদা বি জে পি না লুচিংবা এন দি এনা পূন্না সিট ২০৪ ফংদুনা চাউনা মায় পাকখিবনি।কুমশিং ২০২০ দা পাঙথোকখিবা ষ্টেট অসীগী এসেমব্লী মীখলদা এন দি এনা অপূনবা সিট মশীং ১২২ দা মায় পাকখিবনি।মদুদগী হন্দক্না সিট ৮২ হেঙ্গৎলে।
নাকল অমরোমদা,কংগ্ৰেসনা লুচিংবা ওপ্পোজিসনগী এল্লাইন্সনা কুমশিং ২০২০ গী এসেমব্লী মীখল অদুদা পূন্না সিট ১১৪ ফংবা ঙমখি অদুবু হন্দক্না সিট মশীং ৮১ হন্থরগা শুপ্নগী সিট ৩৩ খক্তমক ফংহৌরে। কংগ্ৰেসনা লুচিংবা মহাগথবন্ধন তোরা তুরে,চন্নফম লৈখিদ্রে।মমাঙদা এগজিট পোলদসু এন দি এনা হেল্লগনি হায়না প্রিদিক্ট তৌনরকখ্রবনি।হন্দক্কি মীখল অসীদা বিজেপিখক্তনা সিট মশীং ৯২, জে দি (য়ু) না ৮২ দা মায় পাকখি।
চিফ মিনিষ্টর নিটিশ কুমার অমসুং প্রাইম মিনিষ্টর নরেন্দ্র মোদিনা পায়খৎখিবা চাওখৎ – থৌরাংগী থবকশিং অদূদা ষ্টেট অদুগী মীয়াম্না অপেনবা ফাওবদগী মীখল অসীদা এন দি এনা চাউনা মায় পাকপা ঙম্লিবনি হায়না পোলিটিকেল সার্কল কয়াদগী ফোঙদোক্নরক্লি।পি এম মোদিগী গারিভ,য়ুব,আন্নাদত্ত অমসুং নারি (( গ্যান) হায়না খঙনরবা থৌশিলনা মীখল অসীদা মায় হেন্না পাক্নবগী অচৌবা মরম অমসু ওইখিবনি হায়নরক্লি।
You may also like
-
ঐচ এস এল সি ইগজামগী দোক্যুমেন্ট পুথোকপা ঙমদবা ওফিসার ফাইন থীনবা খঙহনখ্রে
-
মনিপুরদা মতম চানা রিন্যু তৌদবা মেদিকেল ফেসিলিটি কয়া হাংদুনা লৈরি
-
মেদজিফিমাদা কাঙলূপ অনী উংখৎনরক্তুনা খূৎ থোক্নখ্রে,য়ূম কয়ামরুম মৈ থাদোকখ্রে
-
কাঙলূপ মশেল মূক্নদুনা লৈবগী মহূৎ ভিক্সিট ভারত মায় পাকহন্নবা হোৎনমিন্নরসি: গোবিন্দাস
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে