ইম্ফালগী ক্বাক কৈথেলদা লৈরিবা এসিয়ন হোস্পিটালদা ওল মনিপুর ৱার্কিং জর্নেলিষ্ট য়ুনিয়ন (অমজু) গী ভেলিদ কার্দ পায়রিবা পাউমীশিংনা লায়েঙবদা দিস্কাউন্ট পীরগনি হায়না হোস্পিটাল অসীগী মেদিয়া কোর্দিনেটর নিংথৌখোংজম বোবোনা ফোঙদোকখ্রে।
ঙরাং ইম্ফালদা লৈরিবা মনিপুর প্রেস ক্লবকি থাংজিং হোলদা চহী অহূমগী ওইনা পাউমীশিংদা অনা-লায়েঙগা মরী লৈননা দিস্কাউন্ট পীবগী য়ান্নচেরোল খূৎশীন্নখিবগী থৌরম অমদা বোবোনা ৱাফম অসি মরী লৈনবশিংদা লাউথোক্লদুনা খঙহনখিবনি।হোস্পিটাল অসিদা অমজুগী ভেলিদ কার্দ হোল্ডরশিংনা লায়েঙবদা চাদা ২০ গী চাংদা, অদূগা মখোয়না লেবোরেটরি টেষ্ট তৌবগী ওইনা চাদা ৩০ ফাওবগী দিস্কাউন্ট পীরগনি হায়না ফোঙদোকখি।
অহীঙ-নুংথিল নাইদনা মীয়ামদা মতম-মতমগী অচূম্বা, অশেংবা ঈ-পাউ পীরিবা পাউমীশিংদা অখন্নবা মীৎয়েং থমদুনা মখোয়বু মতেং পাংজবগী ৱাখল্লোন মখাদা হোস্পিটাল অসীগী অথোরিটিনা মীফম অমা পাঙথোক্তুনা পাউমীশিংদা মতেং পাংনবা ৱারেপ অসী লৌখিবনি হায়না মহাক্না ফোঙদোকখি। পাউমীশিংনা পি এম- জে এ ৱাই কার্দ পায়রকপা তারবদি অনা-লায়েংবগী মমল চাদা ৫০ ফাওবা দিস্কাউন্ট পীবগী ৱাফম লৈ হায়না বোবোনা পাউমীশিংদা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা