চহী য়াম্না নৌরিবি অঙাঙ নূপীমচা অমবু মোইথেম তৌদুনা পঙথহল্লগা নূপী ওইবিগী ইজ্জৎ মাঙহনখিবা, সেক্সচুয়েল এসোল্ট চত্থরুবা লমহেনবা,মপূকনীঙ ৱারকপা ঙমদবা মীওই অমা দন্দি পীরগনি,মরাল চপ-চানা লৈরে হায়না ফাষ্ট ট্রেক কোর্ট নম্বর -ৱান,মনিপুরনা লাউথোকখ্রে।
কোর্ট অসীগী স্পেসিয়েল জজ ওইনা লৈরিবি আর কে মেমচা দেবিনা ইম্ফাল ইষ্ট দিস্ট্রিক্টকি লম্লাই পুলিস ষ্টেসন মনূঙচন্না লৈরিবা নোংদম মনীঙ লৈকায়দগী খাইদেম বিসেম্বোর এলাইজ সুরেশ (৪০) অপোকপা কে ঐচ রঞ্জিৎ হায়রিবা মীওই অসী তশেংনা মরাল লৈরে হায়না লাউথোকখ্রে।অদূঙৈ কুমশিং ২০১৯ গী ওক্টোবর ১২ গী নুংথিল পূঙ ১.০৫ রোম তারকপা মতমদা বিসেম্বোরনা নূপীমচা অদু মমান্নবি অমগা লোয়ননা থেমদুনা পুরগা শাবা লোইদ্রিবা য়ূম অমদা পুশিল্লগা সেক্সচুয়েল এসোল্ট চত্থখিবনি হায়না নূপীমচা অদূগী ঈমূঙ-মনূঙগী মায়কৈদগী ইম্ফাল ইষ্ট দিস্ট্রিক্টকি ৱিমেন পুলিস ষ্টেসন,পোরোম্পাৎকি ওফিসার- ইন- চার্জদা কম্প্লেন্ট অমা থাঙ্গৎলকখিবনি হায়রি।
মদূগী মতূঙ ইন্না পুলিস ষ্টেসন অসীনা কেস অমা লৌখত্তুনা থিজিনবা হৌরকখিবগা লোয়ননা বিসেম্বোর হায়রিবা মীওই অসী চহী অদূমক্কি ওক্টোবর ১৪ গী নুংথিল পূঙ ৫ রোম তারকপদা লাঙ্গোলদা লৈরিবা শীজ হোস্পিটাল মনাক্তগী পুলিসনা ফাবা ঙমখিবনি। মহাক্কি মথক্তা পোক্সো এক্ট,২০১২ পাল্লি।সেন্টেন্স হিয়ারিং চত্থরবা মতূঙদা মীওই অসী করম্বা মখলগী দন্দি পীগদগে হায়বদু লাউথোক্তুনা মরালগী চৈরাক অমদি শোয়দনা ফংলগনি হায়রি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর