অন্দ্রো কেন্দ্রগী মনূঙচন্না লৈরিবা পোইরৌপাৎ লৌকোল অসী হৌখিবা চহী অহূম্লোম লৌ উবা য়াদনা লৈরক্লি অদুবু উপাই অমা তৌদুনা লৌমীশিংনা ঈশীং চিংশিল্লগা অহানবা লৌরোককিদমক অঙনফৌ থাদুনা হন্দক্কি চহী অসীদা অঙনফৌ লোক্ননবা হোৎনরি হায়রি।
য়াম্না লাইবক থীবা অমনা, শাৎপা হৌরক্লবা লৌফমশিং অসী পাম্বীদা মচু ঙাঙশীল্লকপা, কংশিল্লকপগী ফীভম অমা মায়োক্নরকপদগী পোইরৌপাৎ লৌকোল ফার্মর্স দেভেলপমেন্ট কো-ওপরেটিব সোসাইটি লিমিতেদ কি সেক্রেটরি খুলেম তোমচৌনা লুচিংবা লৌমীশিংনা দিষ্ট্রিক্ট এগ্ৰিকলচর ওফিসার,ইম্ফাল ইষ্ট কি মফমদা চত্তুনা হায়জরুবদা, এগ্ৰিকলচর ওফীসার মশামক য়াওনা লৈঙাক্কি এগ্ৰিকলচর লোয়শঙগী ওফিসিয়েল টিম অমা ঙরাং লৌফমদা লাকপিবগা লোয়ননা শঙম ১৩০০ লোমগী অঙনফৌ থারিবা লৌফমশিং অদুগী ফীভম য়েংশিনবিরম্বদা অন্দ্রো মায়কৈগী লৌমীশিংনা ঙমখৈ লৈতনা থাগৎপা ফোঙদোরক্লি।
এক্সপার্ট টিম অদুনা, শাৎপা হৌরক্লগা ঙাঙশীন্দুনা কংশিল্লক্লিবা ফৌ পাম্বীশিং অদূগী ফীভম য়েংশিনবিরবা মতূঙদা ফৌশিং অদূ কন্ননবা, লায়না-তীন্না খূদীংমক্তগী ঙাকথোক্নবগীদমক মথৌ তাবা হীদাক কাপথোকপিরম্লে। মরম অদূনা ফৌশিং অদূ চাথোক লৈনা লোকপা ঙম্লগনি হায়বগী থাজবা লৈরে হায়না তোমচৌনা ফোঙদোরকপগা লোয়ননা দিষ্ট্রিক্ট এগ্ৰিকলচর ওফিসার অমসুং মহাক্কি টিম্বু থাগৎপা ফোঙদোরক্লি।
You may also like
-
ষ্টেট অসিগী অহানবা ওইনা আধার সেবা কেন্দ্র হাংদোকখ্রে
-
কোব্রা কম্মান্দো নোনেদগী লৌথোকখিনবা প্রোটেষ্ট তৌরক্লে
-
এন আর সি অপদেট তৌদনা মীকোক, য়ূমকোক মশীং থীবা য়ারোই: ৱাঙম্বা
-
কোব্রাগা কাপ্নবদা নাগা ভল্লন্টিয়র অমা শিরে, জে টি সিনা নেস্নেল হায়ৱেশিং থিংজিনখ্রে
-
মণিপুরদা তোপ-মেই কাপন্নবদ খুঙংগী ভোলুন্টির অম শিখ্রে, CRPF গী মীওই অনি য়াওনা মীওই অহুম শোকখ্রে