হৌখিবা ওক্তোবর ১৯ দা ইম্ফাল ইষ্ট দিষ্ট্রিক কি নোংসুম মনাক্তা লৈবা খোংবাল তাংখুল ভিল্লেজ মনাক্কি সুনুরোক উয়োকচীঙদা শীঙ চনবা চৎপদা কুকি মিলিটেন্টশিংনা নোংমৈনা কাপ্তুনা হাৎখ্রবা মীওইশিং অমসুং থৌদোক অদুদা শোকখিবা মীওইশিংগী ঈমূঙশিংদা ষ্টেট লৈঙাক্না ঙরাং এক্স-গ্ৰেসিয়াগী শেনফম য়েন্থোকখ্রে।
ঙরাং ইম্ফাল ইষ্ট দিষ্ট্রিক্টকি দিপ্যুটি কম্মিস্নারগী ওফিস চেম্বরদা এক্স-গ্ৰেসিয়াগী শেনফমশিং অদূ য়েন্থোকখিবনি। ইম্ফাল ইষ্ট দিষ্ট্রিক্টকি দিপ্যুটি কম্মিস্নার নিভেদিটা লাইরেনলাকপম্না লৈখিদ্রবা মীওই অমমমগী ঈমুংদা লূপা লাখ ১০/১০ , অদুগা শোক্লবা মীওইশিংদনা লূপা লাখ ২/২ গী শেনফমশিং খূৎশীন্নখিবনি।
খোংবাল তাংখুল মনাক্কি থৌদোক্তুদা নোংশুমদগী অরুবম রোনিল, লাইরেনলাকপম ইনাওবী অমসুং খেত্রিময়ুম সুসিল খুদক্তা, থৌদোক থোকফমদা লৈখিদবনি অদুগা সোরোকখাইবম ইবোমচাদি নুমীৎ খরা হোস্পিটালদা লায়কন্নরম্লবা মতূঙ, ওক্তোবর ৩১ দা লৈখিদবনি।
