মপা-মমাবু তাথী-তাওইনা তৌবশিং তুংদা অৱাবনা পোলোই ওইগনি

মমা-মপা ওইবশিংনা মচাশিংবু মাঙহন্ননবা থবক অমত্তা কৈদৌনুংদা তৌবা হৌনদে। অহল ওইরক্লবা মমা-মপাবু তাথী-তাওইনা তৌরিবা, অপাম্বা দিমান্দ পীবা ঙমদে হায়দুনা হীঙশা তৌবা, মমা-মপা ফূবা-চৈবা, মশাগী ময়ূম ফাওবা মৈ থাবা,লমলক্কি শাগা পাঙ্কক ওইরবশিং অসীদি মশাগী মতম অমা শোয়দনা লাকখিগনি, মতমদু অৱাবা, খুদোং চাদবা, নীঙবা থুংদবা, অৱাৎপনা পীক থল্লক্কনি।

অসীগুম্বা মীনুংশি য়াওদবা, শাগী লমচৎ চৎপা মচাশিং অসীদি লৈঙাক্কি মরী লৈনবা অথোরিটিনা হেন্না কন্সীনবা চৈরাক পীফম থোকই, হঞ্জিন-হঞ্জিন্না চৈরাক পীদুনা হোৎনরবসু অফবা অচূম্বা মায়কৈদা লাক্ট্রবা মীওইশিং অদুদি মতম চূপ্পগী ওইনা মাঙহনখিননবা লো ফাওবা লৈঙাক্না শেমদুনা থমগদবনি হায়না ফাউন্দেসন ফোর রুরেল অর্বান দেভলপমেন্ট গী প্রসিদেন্ট ওইনা লৈরিবা সোসিয়েল এক্টভিষ্ট এল তোম্বনা অকনবা ৱাফম ফোঙদোরকপগা লোয়ননা লৈঙাক্কি মীৎয়েং চিংশিনখ্রে। পাউমীশিংদা মহাক্না মখাতানা হায়, লৈঙাক্না অরানবা তৌরিবা মীওইশিংবু ভাব তাহন্নবা চৈরাক পীরি, জেলদা মতম মতমগী ওইনা থমজিল্লি।

অসুম্না কয়ারক হন্না দন্দি পীরবসু মহৌশাগী লম হেনবা থৌওংশিং অদূ মখা অসুম চত্থদুনা লৈবা, মমা-মপাদা কা হেন্না অৱাবা পীরিবশিং অসীদি লৈঙাক্না অখন্নবা মীৎয়েং চঙবীদুনা অহেনবা চৈরাক ফংহনফম থোকই। মপা-মমা ওইবশিংনসু লমহেন-তুহেনবা মচাশিং অদু লৈঙাক্না চৈরাক পীখিবদা পেন্দবা অমত্তা লৈফম থোক্তে, হেন্নদুম হরাওজগদবনি হায়খি।

Leave a Reply

Your email address will not be published. Required fields are marked *