হন্দক, চৎলিবা ওক্টোবর থা অসীগী ৪ দা লোইশিনখিবা ২০ শুবা এসিয়ান গেম্স তা ইন্দিয়াগী হোক্কি টিমদা য়াওদুনা গোল্ড মেদল ফংলকখ্রবা শান্নরোয় ৩, চিফ মিনিষ্টর য়ূম্নাম খেমচান্দনা ঙরাং হরাও তয়াম্না ওকখ্রে।
ইম্ফালগী মন্ট্রিপুখ্রীদা লৈরিবা সি এম সেক্রেটরিয়েট্টা শান্নরোয়শিং অদুবু তরাম্না ওকখিবনি। শান্নরোয়শিং অদুদি – শংলাকপম নিল্লকান্ত শর্মা, পুখ্রম্বম সুসিলা চনূ অমদি খরিবম বিচু নি। মখোয় অহুম্বু তরাম্না ওক্লদুনা চিফ মিনিষ্টরনা হায়, ইন্দিয়াগী হোক্কি টিম অসী ফীভম য়াম্না ফগৎলক্লে। আইচি-নাগোয়া, জাপান্দা পাঙথোকখিবা এসিয়ান গেম্স অদুদা নূপা অমসুং নূপীগী হোক্কি ইভেন্ত অনীমক্তা ইন্দিয়াগী টিম্না গোল্ড মেদল লৌরকপা হায়বসি খ্বাইদগী হেন্না শীংথানীংঙায় ওইরবনি। লৈবাক অসীগী হোক্কি মশান্নগী মায় পাকপা অমনি হায়খি।
মখোয়না মিংচৎ পুরকখিবা অদূবু ঈকায়খুম্নবা উৎতুনা ষ্টেট লৈঙাক্কি মখাদা থবক অমমম পীরগনি য়ূথ এফিয়র্স এন্দ স্পোর্তস দিরেক্টরেটতা মরী লৈনবা এপ্লিকেসন ফোর্ম পীশীন্নবা খঙহনখি।
পনবা য়াই, এসিয়ান গেম্স অসীগী ৩শুবা অমসুং ১২ শুবা এদিসনশিংসু জাপান্না য়ূম্বূ ওইখিবনি।
