চুরাচান্দপুর দিষ্ট্রিক্ট পুলিসকি টিম অমনা মীওই অমদগী ঙরাং ব্রাউন সুগর সাপোন কেপ ৪০ ফাগৎপা ঙমখ্রে। অকক্নবা পাউ অমা ঙরাং অয়ূক ফংবদগী দিষ্ট্রিক্ট অসীগী কে সালবুং ভিল্লেজদা থিবা-হুম্বগী থবক চত্থবদা য়ূম অমদগী দ্রগকি পোৎলমশিং অদু ফাগৎপা ঙমখিবনি।
ফারবা মীওই অদু দৌথানলেন হাওকিপ (৩৬), অপোকপা য়ামঙম হাওকিপ কৌই। মীওই অদূ চান্দেল ডিষ্ট্রিক্ট কি গেলজাংদগীনি অদুগা হৌজিক্না চুরাচান্দপুরগী সালবুংদা লৈবনি হায়রি।
মীওই অদুগী মথক্তা চুরাচান্দপুর দিষ্ট্রিক্ট পুলিসনা কেস অমা লৌখত্তুনা মখা তানা থিজিনবা হৌখ্রে।
ৱার ওন দ্রগ কেম্পেন ফেজ ২ গী মখাদা মনিপুর পুলিসনা তোঙান তোঙানবা মফমশিংদা থিবা-হুম্বগী থবক চত্থরকপদা নোংমা কাংদনা দ্রগ অমসুং অতৈ নিষাগী পোৎলমশিং ফাগত্তুনা লাক্লিবনি।
