ম্যান্মার শদগী পুরকখিবনি হায়বা, ইন্টর্নেস্নেল মার্কেট তা লূপা ক্রোর ৪৩ হেনবগী ভেল্যু ওইগদবা মেথাম্ফেটামাইন টেব্লেটশিং গুৱাহাটিদগী ফাগৎপা ঙমখ্রে। দ্রগশিং অদু পুরকখিবা মনিপুরদগী মীওই অনীসু ফাগৎপা ঙম্লে হায়রি।
দ্রগশিং অদূ ফাগৎখিবা নার্কোটিক কন্ট্রোল ব্যূরো (এন সি যি) না ফোঙদোরকখিবা মতূঙ ইন্না, কন্সাইনমেন্ত অদূ গুৱাহাটি অমদি লৈবাক অসীগী অতৈ মফমশিংদা থাদোক্লুনবা ম্যান্মার দগী পুরকখিবনি হায়বা খঙবা ঙম্লে। চৎলিবা ওক্টোবর থাগী তরূক্তা অকক্নবা ইন্টেলিজেন্স কি পাউ অমা ফংবদগী মনিপুরদগী লাকখিবা ট্রক অনী খামদুনা চেক তৌখি। ট্রক অনীদুগী ফ্যুৱেল টেঙ্ক মনূঙদা তোঙান তোঙানবা চেম্বর শেম্লগা, মার্কেট্টা লূপা ক্রোর ৪৩ হেনবগী ভেল্যু ওইগদবা মেথাম্ফেটামাইন টেব্লেট কিলোগ্ৰাম ৫৩.৯৪ লোৎলগা পুরম্বনি হায়রি।
পোৎলমশিং অদূবু পুরকখিবা মনিপুরগী বিষ্ণুপুর দিষ্ট্রিক্ট তগী মীওই অনী ফাগৎখি। কেস অসীগা মরী লৈননা ইন্টর্নেস্নেল দ্রগ সপ্লায়রশিং, দোমেষ্টিক রিভরশিং, ফাইনান্সর, ট্রান্সপোর্টর অমদি নেটৱার্ক অসীদা অতৈ কনা-কনা চেন্নরিবগে হায়বদূ মশক খঙদোক্তুনা ফাগৎনবা থবক লৌখৎপা হৌরে হায়রি।
