মনিপুরদা হৌজিক হৌজিক থোক্লিবা হাৎনা-শুনরিবা, য়ূম মৈ থারিবা, লৈফম চাফম খঙদনা রিলিফ কেম্পশিংদা অৱাবা খাঙলিবা, চীঙগী দিষ্ট্রিক্টশিংদা নোংমা কাংদনা নূপী-অঙাং অঊ-অঊবা হাৎলক্লিবা কয়া অসী লোইশিন্দুনা মহৌশাগী ঈঙ-তপ্পা শক্তম অদূ হঞ্জিলহনবিয়ু হায়না তাইবং শেম্বা মপূ মহাক্কি মফমদা থৌনিজবগা লোয়ননা চরা হেনবগী থৌরম অমা তামৈদা পাঙথোকখ্রে।
নাগা পিপলস ফ্রন্ট (এন পি এফ) তামৈ এ সিনা শীন্দুনা পাঙথোকখিবা প্রেয়র অমসুং ফাষ্টিংগী থৌরমদুদা অতৈ পোলিটিকেল পির্টীশিংগী লুচিংবা অমসুং থৌমীশিংসু শরূক য়াখি। থৌরম অদুদা ৱা ঙাঙবদা ৫২-তামৈ এসি গী প্রসিদেন্ট জোনাথন গাংমৈনা, খ্রিষ্টিয়ান লাইনিং চৎলিবশিংনা লমদম অসিদা মহৌশাগী ঈং-তপ্পা ফীভমদু হঞ্জিন্নবা হোৎনবদা মাঙজীল থানা থবক পায়খৎমিন্নসি হায়খি।
খ্রিষ্টিয়ানশিংনা ঈংথবা অমসুং পূন্সীনবা, নুংশি-চানবা লমদম অমা শেমগৎনবা খূৎলাই অমা ওইনা থবক তৌগদবনি হায়বা ৱাফম টাউন বাপ্তিষ্ট চর্চ তামৈগী পাষ্টর রেবরেন্দ ঐচ কাবোনং না ফোঙদোকখি। দিপ্যুটি চিফ মিনিষ্টর লোসি দিখো অমসুং মনিপুর লৈঙাক্কি লেজিসলেটরশিংনা লমদম অসিদা মহৌশাগী ঈং-তপ্পা শক্তম অদু হঞ্জিল্লক্নবা অকনবা থবক পায়খৎলি হায়না তামৈ এসিগী এম এল এ অৱাংবৌ ন্যুমাইনা ফোঙদোকখি।