হৌখিবা মার্চ থা ফাওবগী মনূঙদা আই দি পিশিং মশা-মশাগী হান্নগী য়ূমশিংদা হঞ্জিনহনগনি হায়খিবদু থেঙলবসু থেঙনা হৌজিক হঞ্জিলহল্লু। আই দি পিশিং ময়ূমদা হঞ্জিন্দ্রিফাওবা সঙাই ফেষ্টিভেল পাঙথোকপা য়ারোই, সঙাই ফেষ্টিভেল পাঙথোক্নবা থৌরাং তৌবিগনু হায়না মোরেদগী লাঞ্জেল্লকখিবা আই দি পি থাংজম উত্তম্না ফোঙদোকখ্রে।
ইম্ফালগী লম্ফেলদা লৈবা কোকোমিগী ময়ায় লোয়শঙদা ঙরাং পাঙথোকখিবা পাউমীশিংগা উনবগী থৌরমদা মহাক্না ৱাফম অসী ফোঙদোকখিবনি। চহী মরি শুরক্কদৌরবা মনিপুরগী ঈরাং অসীদা আই দি পি অমমমদা নোংমগী ওইনা লৈঙাক্না পীরিবা লূপা ১০০ গী শেনফম অসীনা ঙম্ন-ঙম্ননবা শীজীন্নদুনা, য়াম্না ৱানা হিংলি। অসীগুম্বা মখলগী পুন্সি মহীং অসী পামদ্রে, মহৌশাগী লৈফমশিংদা হঞ্জিলহনবিরো হায়খি।
আই দি পিশিংনা লৈরিবা টেম্পরেরি কেম্পশিংদগী রিলিফ কেম্পশিংদা হল্লো হায়রিবসি মরম করিগীনো, হনবা তারবদি নোংমগী ইমূঙ-মনূঙগী, অঙাঙশিং লাইরিক+লাইশু তম্বগী থৌদাং পূম্নমক লৈঙাক্না পূবিরো হায়না চুরাচান্দপুর দগী লাকখিবা নবা নিংথৌজম্না থৌরমদুদা ফোঙদোকখি।
You may also like
-
মনিপুরগী মিরাবাই চনূ, রোশিবিনা অনীমক্না এসিয়ান গেম্স তা সিলভর লৌবা ঙমখ্রে
-
লাক্কদৌরিবা মীখলগীদমক কনাগুম্বা লূপ অমত্তগী দিক্টেসন্দা থবক তৌরোই: কম্মিটি
-
নোংমৈ কাপশীল্লম্বগী মায়োক্তা মীয়াম্না প্রোটেষ্ট তৌখ্রে
-
মনিপুর সেন্ত্রেল জেলগী অহানবা রাইজিং দে থৌরম পাঙথোকখ্রে
-
এম এল এ সুসিন্দ্রোনা ঈচেমহল স্কিমগী মতূঙদা তামোহল স্কিম লোঞ্চ তৌখ্রে