সনা লৈবাক মনিপুর হায়না শৈহৌবা ঈশৈ অসী মনিপুর লৈঙাক্না ষ্টেট সোং ওইরে হায়দুনা হৌখিবা কুমশিং ২০২১ অমসুং গী আগষ্ট ১২ দা ষ্টেট গেজেট নোটিফিকেসন থোক্তুনা মীয়ামদা লাউথোকখ্রবনি। ষ্টেট সোং অসী করম করম্বা ফঙ্কসন্দা, করম্বা মফম মতমদা মীয়াম্না শক্কদবনো অদুগা করম্বা মফম মতমদনা শক্লোইদবগে হায়বগী মতাঙদা ষ্টেট লৈঙাক অসিনা প্রোটোকোল অমা শেম্বীদুনা সধারন মীয়ামদা খঙহনবিয়ু হায়না খূরায় এসেমব্লি কন্সটিত্যুএন্সিগী এম এল এ লৈশাংথেম সুসিন্দ্রোনা থা অসীগী তরেৎতা চত্থখিবা ১২ শুবা মনিপুর লেজিসলেটিব এসেমব্লিগী ৮ শুবা সেসনগী অরোয়বা নুমিত্তা, জীরো অৱার মতমদা ফোঙদোকখ্রে।
ইন্দিয়াগী ওইনসু হন্দক্তা পার্লিয়ামেন্ত না ভন্দে মাতরমবু নেস্নেল এন্থেমগী থাক্তা থমদুনা, মসীবু থওইদবশিংগী মথক্তা অকনবা এক্সন লৌখৎনবা বিল পাস তৌদুনা এক্ট অমা ওইনা চৎনহনখ্রে।মথঙ চহীগী অহানবা ষ্টেট লেজিসলেটিব এসেমব্লিগী সেসন ফম্বদা গভর্নরনা এদ্রেস পীদ্রিঙৈ মমাঙদা ভন্দে মাতরম অসী নেস্নেল সোং অমা ওইনা শক্লবা মতূঙ জনা গনা মন্না হায়রিবা নেস্নেল এন্থেম অসী শক্কদৌরি হায়না মহাক্না ফোঙদোকখি।
মসীগা লোয়ননা মনিপুরগী ষ্টেট সোং ওইরবা “সনা লৈবাক মনিপুর” অসীসু শোয়দনা শকহনসি হায়বা ৱাফম সুসিন্দ্রোনা পুখৎখি। করম্বা মতাঙদা মীয়াম্না ষ্টেট সোং অসী শক্কদগে হায়বগী মতাঙদসু চপ চাবা প্রোটোকোল অমা শেম্বিয়ু হায়বা ৱাফম মহাক্না লৈঙাক্কি মফমদা তকশীনখি।
You may also like
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা
-
নাগা-কুকিগী ঈরাং লেপহন্নবা অখন্নবা থৌশিল পায়খৎনবা ঐচ আর দব্লিয়ুনা খঙহল্লকখ্রে
-
লৈলোন ৱাইফৈ মীহাত্তা চেন্নবনি হায়বা মীওই ৪ গী মথক্তা এন আই এনা ইনভেষ্টিগেসন চত্থরি: গোবিন্দাস
-
জে এফ দিগী জেনরেল ষ্টাইকনা মনিপুর তম্পাক্তা চাউনা অকায়বা পীখ্রে, কম্মান্দোনা জীতেন্দ্র ফাননবা হোৎনরম্লে
-
ইন্দিয়াদা দ্রগ ওভরদোজদা চয়োল খূদীংগী মীওই ১২ শিরি