নেস্নেল ক্রাইম রেকোর্দ ব্যুরো ( এন সি আর বি) গী অনৌবা রিপোর্ট অমগী মতূঙ ইন্না, লৈবাক অসীদা চয়োল খুদিংগী দ্রগ ওভরদোজদা মীওই ১২ গী পুন্সি পিখম্নরি হায়না ফোঙদোরক্লি। ওভরদোজদা মী শিবগী চাং ৱাংনা লৈরিবা ষ্টেটশিংগী মনুংদা পঞ্জাব অমসুং রাজষ্ঠান্না খ্বাইদগী মকোক্তা লৈরি হায়না ফোঙদোরক্লি।
কুমশিং ২০১৯ দগী ২০২৩ ফাওবদা লৈবাক অসীগী ওইনা মীওই ৩০০০ হেন্না দ্রগ ওভরদোজদা শিখ্রে। ওফিসিয়েল ওইনা রিপোর্ট তৌরক্তবা ফীভমদা অতোপ্পা মীওই কয়া অমসু ওভরদোজদা শিরি হায়না অনৌবা রিপোর্ট অসীনা খঙহল্লক্লি। নার্কোটিক সবষ্টেন্স শীজীন্নবদগীরা নত্রগা প্রেস্ক্রিপসন দ্রগ হায়বদি ফার্মাসিশিংদগী লৈবা হীদাক-লাংথকশিং শীজীন্নবদা শিরিব্রা হায়বদু এন সি আর বিগী রিপোর্ট অসীদা ময়েক শেংনা পন্দে।
ওভরদোজগী কেস রেজিষ্টর তৌবদা অসীগুম্বা অকূপ্পা ৱারোলশিং অসী ময়েক শেংনা পন্ননবা খঙহনবসু লৈখ্রবনি হায়রি। চৈনাখোল ফহন্নবা পেইন কিল্লর চাবদগীরা নত্রগা তূম্বা য়াননবা স্লিপিং পিল কা হেন্না চাশীল্লুবদগীরা হায়বনচিংবা ময়েক শেংনা পন্দবগী ফীভম অমা হৌজিক লৈরি। ঈনখৎলক্লিবা নহারোলশিংনা ফার্মাসিদা য়োল্লিবা হীদাকশিং দোজ য়াম্না কা হেন্না চাশীন-থকচীনবদগী ওভরদোজ তাদুনা শিখিবগী মশীঙসু লৈবাক অসীদা চাং ৱাংনা লৈরি হায়না রিপোর্ত অসীনা ফোঙদোরক্লি।
You may also like
-
অমিট শাহানা অমূক হন্না খূদক্কি ওইনা কৌরকপদগী সি এম দিল্লি য়ৌখ্রে
-
এম এল এ রঞ্জনগী য়ূমদা বোম পোকখায়খ্রে, য়ানিংদে হায়দুনা ৱাকৎ মীফম চত্থখ্রে
-
ইন্দিয়ান সেপাক টাক্রো টিমদা শরুক য়াগদবা শান্নরোই অনীদা য়াইফা-মাঙ্গোল পীখ্রে
-
এন আর সি অপদেট তৌরবা মতূঙ সেন্সসকি ৱাফম কোন্না খন্নগদবনি হায়না কিমাক্সনা প্রোটেষ্ট তৌখ্রে
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে