অপূনবা মৈরা পায়বী লূপ, হোজাই দিষ্ট্রিক্ট কম্মিটিগী টিম অমনা হান্নগী রাজ্য সভাগী এম পি নিংথৌ লৈশেম্বা সনাজাওবগা ঙরাং ইম্ফালদা লাক্তুনা উনখ্রে। বি পদ্মাবতি শর্মনা লুচিংবা, মীওই ৮ না শাবা মৈরা লূপকি টিম অদূনা নিংথৌ সনাজাউবা অমদি লৈমরেম্বী হাওবম নিঙোল অনামিকাগা উনখিবদা ফোক্স অমসুং পলেমগী থৌ পুবশিংসু শরূক য়াখি।
শরূক য়াখিবা লুচিংবা, লুচিংবী খূদীংমক্তা লৈমরেম্বীগী মায়কৈদগী লেংয়ানফি অমমম খূদোল তমখি। গোবিন্দজিগী চাক্লেন অমসু চামিন্নদুনা উনখিবা থৌরমদুদা নিংথৌ সনাজাউবনা হায়, হোজাইদগী ইম্ফালদা লাক্তুনা ঈমা, ঈচাশিং, ঈচল-ঈচে, ইনেমশিংগা উনদুনা ৱারী-ৱাতাই শানবা ফংজবদা থম্মোয়দা অপেনবা, নুঙাইবা অমদি পূক্নিং নুংশিবা পোকই। মসীনা ঐখোয়গী ঈ মশেলগী মরক্তা হেন্না নকশীন্নবা, নুংশিনবগী মরীদু চেৎশীলহল্লগনি হায়খি।
চহী লীশীং ৫ গী মথক্তা পুৱারি লৈজরিবা ফূরূপ অসীগী ঈমা-ঈচা, ঈচীল-ইনাওশিং অসী তোঙান তোঙান্না, মচোই-মচোই লৈনখ্রবসু ঐখোয় অমত্তনি হায়বসি খক কাউনরোইদবনি। ঐখোয়গী মীশীং অসী য়ামখৎহন্নবা, কাঙখূল মূৎখিদনবা হোৎনবগী তঙায়ফদবা লৈরি হায়না নিংথৌনা ফোঙদোকখি।
You may also like
-
মনিপুরি মচীন-মৌপ্ৱা অনীনা এয়র ইন্দিয়াদা থবক তৌমিন্নদুনা ষ্টেট অসীগী মীয়ামগী পূক্নীং চিংশিনখ্রে
-
মনিপুরগী ইস্যুশিং অসীগী ৱায়োয়শিন পুরক্নবা ঙসীফাওবদা বি জে পিনা করি তৌখ্রবগে: লোকেন
-
মনিপুরগী ইস্যুশিংগী মতাঙদা আর পি আই (এ) গী চপচাবা ফিরেপ লাউথোক্কদৌরি
-
ককচীং মখা লৈকায় নাউদম পরেংগী লম্বী মীয়াম হৌরক্তুনা থিংজিনখ্রে
-
সেন্টরনা মনিপুরগী সেন্সস য়ৈথোরকপা য়াবগী চপচাবা থাজবা লৈ: শান্তা