ইন্দো-ম্যান্মার বোর্দরদা মতম কয়াদগী ৱারোয়শিন পুরকপা ঙমদনা লৈরক্লিবা বোর্দরগী ইস্যু অসী লোইশিন্নবগীদমক ইন্দিয়া লৈঙাক্না মনিপুরগী চান্দেল দিষ্ট্রিক্ট কি বোর্দর এরিয়াগা তাইনরিবা লমগী শরূক্তগী স্কোৱার মাইল ১.৪ পাক চাউরবা এরিয়া অমা ম্যান্মারদা পীথোকখিনবা থৌরাং তৌরি হায়বসি মায়কৈ কয়াদগী ফোঙদোক্নরক্লি।
মসীনা মরম ওইরগা লমদম অদোমদা ঙল্লিঙৈ মতমদগী খুন্দা-লৈতাদুনা লাকখ্রবা য়েলহৌমী কয়ামরূম মফমদু থাদোক্তুনা চৎখিবা য়াবগী ফীভম লৈরে হায়রি। ম্যান্মারদা পীথোকখ্রগনি হায়রিবা লমগী শরূক অদূ ম্যান্মারগী শগাইং দিভিজনগা থংননা লৈরিবা মনিপুরগী লমখৈগী শরূক অমা ওইরিবা বোর্দর পিল্লর নম্বর ৬৫ অমসুং ৬৮ গী মরক্তা লৈরিবা কিলোমিটর ২.৮ লোম শাংবা মফম অসীনি হায়না রিপোর্ত অমনা খঙহল্লক্লি।
সাউথ ইষ্ট এসিয়াদা বেজ তৌবা দিপ্লোমেট মেগাজিন্দা রিভ্যু তৌখিবা ওফিসিয়েল দোক্যুমেন্ত অমদা হায়খিবা মতূঙ ইন্না, ঙমখৈগী চয়েৎনবা অসী লোইশিন্ননবা সেন্তর লৈঙাক্না ম্যান্মারদা পীথোকখিনবা খন্নরিবা মফম অসী চাউরাক্না কিলোমিটর অহুম্লোম শাংবা মফম্নি। মফম অসীদা খুল কয়াসু মহৌশাদগী লৈরক্লিবনি হায়রি।
মোলচাম, খেংজাং, য়েঙৌলেন, খোংকোৎ, চাংপোল,ন্যু চাংপোল, এস এল চাংপোল অমদি জোলদাম হায়রিবা খুলশিং অসী অনৌবা খোঙথাং অসীনা শোকহল্লগনিসু হায়রি।
You may also like
-
পেসেঞ্জর ১০০ পুরকখিবা গারিশিং ইম্ফালদা থুংলরে, অতোপ্পা পেসেঞ্জর ২৫০ না গুৱাহাটি পাংখ্রে
-
জে এফ দিনা মীহূৎশিংদা ৱাহং-খোঙচৎ হৌখ্রে
-
অচুম্বা য়ুমফম লৈতে’ মণিপুরদা সেন্সসকী মমাংদা এন.আর.সি. পাংথোক্নবা তকশিনবদা কুকি কাংলুপশিংনা য়াখিদ্রে
-
কৈরাউ মায়কৈদা সেন্সসকি থবকশিং থিংজিল্লে: কোকোকো
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র