আগষ্ট ১৭ অমসুং ১৮ গী লোন্নবা অহীঙ নোংয়াইদগী হৌরগা সেন্সস ওপরেসনগী মায়োক্তা লাউথোকখিবা পূঙ ৪৮ গী জেনরেল ষ্ট্রাইক্না মনিপুরগী মফম অয়াম্বদা লৈরিবা মীয়ামগী মহৌশাগী পুন্সিদা চাউনা অকায়বা পীরে। কেম্পেইন ফোর জষ্ট এন্দ ফ্যের দিলিমিটেসন (জে এফ দি) গী লমজীং মখাদা চত্থরিবা মীয়ামগী ঈহৌ অসী নেস্নেল রেজিষ্টর ওফ সিটিজন্স (এন আর সি) হান্না অপদেট তৌদুনা মীরৈবাকমচাশিং মপূঙ ফানা তকথোকখ্রবা মতূঙদা সেন্সসকি থবক পায়খৎলু হায়বা য়েলহৌমীশিংগী অপূনবা দিমান্দ অমনি।
ইম্ফাল ইষ্ট দিষ্ট্রিক্টকি দি সি ওফিসতা সেন্সসকি ইন্যুমরেটর অমসুং সুপরভাইজর ওইগদবশিংগী ট্রেনিং তৌরি হায়বা অকক্নবা পাউ অমা ফংবদগী ঈমা মৈরা পায়বীশিংনা মশীং য়াম্বা মীয়াম্না দি সি ওফিস মমাঙদা মায়কৈ কয়াদগী থোমজীন্নরকখি। অকনবা নোং মরক্তা মশীং য়াম্লবা মীয়াম অদূনা মশা পূমচোৎ চোৎলবসু করিসু থওইরুবা তৌদনা এন আর সি খূদক্তা অপদেট তৌননবা দাবী তৌখি।
এন আর সি অপদেট তৌদুনা মীরৈবাক মচাশিং হান্না মশক খঙদোক্কদবনি, মখোয়বু মশাগী মরমদমদা হলহনখিগদবনি, মদূগী তুংদা সেন্সসকি থবক পায়খৎকদবনি হায়বা মীয়ামগী অপূনবা খোল্লাউনা নিলহনখি। মীয়ামদু তকথোক্নবা পুলিসনা ত্যার গ্যাস কাপশীল্লকপদা মীওই অহুম শোক্তুনা পোরোম্পাত্তা লৈরিবা জৱাহরলাল নেহেরু ইন্সটিট্যুট ওফ মেদিকেল সাইন্সেস (জেনিম্স) তা পুখত্তুনা হৌজিক লায়কন্নরি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি