কুমশিং ১৮৯১ দা থোকখিবা এঙ্গলো-মনিপুরি ৱারদা লানফা ওইনা ব্রিটিসনা ফারবা মতূঙদা অন্দামান অমসুং নিকোবর ইথৎতা থমখিবা অথৌবা ঈপা-ঈপূ ২৩ অদুবু লৈহনখিবা, ঙসীনা মাউন্ট মনিপুর হায়না মমীং থোল্লবা, অন্দামানগী পোর্টব্লেয়রদা লৈরিবা কম্মেমোরেসন ৱাল অসীদা মনিপুর লৈঙাক্না অদূঙৈগী অথৌবা ঈপা-ঈপূশিং অদূবু ঈকায়খুম্নবা ঊৎপা ওইনা ম্যুজিয়ম অমা শাবিয়ু হায়না অন্দামান্দা লৈরিবা মনিপুরিশিংনা তকশীল্লক্লি।
মফম অদুদা লৈরিবা মনিপুরিশিংনা কম্মেমোরেসন ৱাল অদূগী অকোয়বা মফমশিংদা মখল মখা কয়াগী উ চারাশিং থাখিবগা লোয়ননা য়োৎকি ফ্রেম্নচিংবা হাপচীনখ্রে। মাউন্ট মনিপুরদা খিল্লিবা মাউন্ট মনিপুর কম্মেমোরেসন বোর্দ শেমজীল্লগা মশক থোকপা মফম অমা ওইহন্নিংই হায়না ফোঙদোরক্লি।
মফম অদুদা লৈরিবা মনিপুরিশিংনা লৈখিদ্রবা মতমদুগী মরৈবাক নীঙবা অথৌবা ইপা-ঈপূশিং অদূগী মিতমশিংদা হৈকৎ-লৈকৎ তমদুনা ইকায়খুম্নবা ঊৎখি। মনিপুর অমদি অতৈ মফম কয়াদগী ঈমা-ঈবেলশিং, ঈচীল-ঈনাও কয়াসু কম্মেমোরেসন সাইট অসীদা লাক্তুনা হৈকৎ-লৈকৎ কয়া তম্লরি হায়না অন্দামান্দা থবক তৌদুনা লৈরিবা সোইবম জিনেলনা ফোঙদোরক্লি।
You may also like
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা