য়ুনিক আইদেন্টিফিকেসন অথোরিটি ওফ ইন্দিয়া (য়ু আই দি এ আই) না মনিপুরদা অহানবা ওইনা আধার সেবা কেন্দ্র অমা হাংদোকখ্রে। ইম্ফাল ৱেষ্ট দিষ্ট্রিক্টকি মনূঙ চন্না লৈবা ৱাহেংবম লৈকায়দা হাংদোকখিবা আধার সেবা কেন্দ্র অদূ ষ্টেট লৈঙাক্কি হোম কম্মিস্নার কম সেক্রেটরি এন আশোক কুমারনা শঙ্গাখি।
য়ু আই দি এ আইগী মকোকথোংবা ওফিসিয়েল কয়াসু শরুক য়াখিবা থৌরম অদুদা ৱা ঙাঙবদা আশোক কুমারনা হায়, ষ্টেট লৈঙাক্কি হোম দিপার্টমেন্ট না হৌখিবা চহী খরগী মমাঙদগী মনিপুরদা আধার সেবা কেন্দ্র অমা হাংদোকপিনবা য়ু আই দি আই এগী রিজনেল ওফিসতা তক্নদুনা লাকখিবনি। আধার হায়বসি মীওই অমগী য়াম্না মরূ ওইবা শক্তাক-চে অমনি। মনিপুরদা হৌজিক আধার এনরোলমেন্টগী চাং অসী চাদা ৮৮ য়ৌরে। চহী ৫গী মখাদা লৈরিবা অঙাঙ এনরোল তৌবগী চাংদি য়াম্না নেম্না লৈরি। সোসিয়েল ৱেলফিয়র দিপার্টমেন্ট, হোস্পিটিলশিং অমদি য়ু আই দি এ আইগা কোর্দিনেট তৌদুনা অঙাঙশিং আধার এনরোল তৌবগী চাং হেঙ্গৎহন্ননবা হৌজিক অকনবা থবক পায়খৎলি হায়খি।
স্কুলদা মিং চনবা, স্কোলার্সিপ, ইদুকেস্নেল সার্টিফিকেট অমদি লৈঙাক্কি তোঙান তোঙানবা থবক থৌরমশিংদা আধার য়াওদবা য়ারক্ট্রবা মতমসিদা মেদিয়ানা মীয়ামদা আধারগী কান্নবা কয়াদু খঙহন্ননবা থৌদাং লৌবিয়ু হায়না আশোক কুমারনা ফোঙদোকখি।
You may also like
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা