জুলাই ২৯ গী অয়ূক্তা সি আর পি এফ কি কোব্রা কম্মান্দো কাঙবূ অমা নোনে দিষ্ট্রিক্টকি মনূঙচন্না লৈরিবা বিটিয়াংদা খুল ঙাকপা, লানবিমৈ রিয়ামৈ কৌবা নাগা ভল্লন্টিয়র অমা নোংমৈনা কাপ্তুনা হাৎখিবা অমসুং কয়া অমনা অশোক-অপন মায়োক্নহনখ্রবা মতূঙদা বিটিয়াং ভিল্লেজ অথোরিটি অমসুং মফম অদূগী অকোয়বদা লৈরিবা মীয়াম্না নোনে দিষ্ট্রিক্ট তা লৈরিবা কোব্রা কম্মান্দো খূদীংমক অতোপ্পা মফমদা লৌথোকখো হায়বা খোল্লাউগা লোয়ননা অকনবা খোঙজঙ চঙশীনখ্রে।
ভিল্লেজ অথোরিটিগী মায়কৈদগী নোনেগী দিপ্যুটি কম্মিস্নারদা হীরম অসীগী মতাঙদা চেরোল অমা পীদুনা তকশীনখ্রে। থৌদোক অদুদা লৈখিদ্রবা লানবিমৈ রিয়ামৈগী মফমদা ঙরাং অরোয়বা ওইনা ঈকায়খুম্নবা ঊৎলবা মতূঙ লৈরোন চনবগী থৌরম পাঙথোকখি।
হৌজিক কুকি-নাগা অনীগী মরক্তা থোক্লিবা ঈরাং অসীগা মরী লৈননা নাগা কম্যুনিটিগী মীয়াম ঙাক-শেল্লিবা নাগা ভল্লন্টিয়রশিংদা নোংমৈ মতোন ওন্সীন্দুনা নাগা ভল্লন্টিয়রশিং হাৎলিবা সি আর পি এফকি কোব্রা কম্মান্দো অমত্তা নোনে দিষ্ট্রিক্টতা থম্বা য়ারোই হায়না চেরোল অদুদা তকশীনখি। নাগা মীচম ৬ হাৎখিবা কুকি মিলিটেন্টশিংগী মথক্তা এক্সন লৌখত্তুনা চৈরাক পীবদি লৈত্রি। কোব্রা কম্মান্দোশিংনা অমদি অতৈ সেন্ট্রেল ফোর্সশিংনা লমহেনবা কুকি মিলিটেন্টশিংবুদি তকথোক্নবা, চৈরাক পীননবা থবক লৌখৎপা লৈতে অদুগা মীচম মীয়াম্বু কুকি মিলিটেন্টশিংগী খূত্তগী কঞ্জনবা ঙাক-শেল্লিবা নাগা ভল্লন্টিয়রশিংদা এত্তেক চত্থরিবা অসী মরম চাদে হায়বা ৱাফমশিং চেরোল অদূদা পল্লি হায়রি।
You may also like
-
ষ্টেট অসিগী অহানবা ওইনা আধার সেবা কেন্দ্র হাংদোকখ্রে
-
এন আর সি অপদেট তৌদনা মীকোক, য়ূমকোক মশীং থীবা য়ারোই: ৱাঙম্বা
-
কোব্রাগা কাপ্নবদা নাগা ভল্লন্টিয়র অমা শিরে, জে টি সিনা নেস্নেল হায়ৱেশিং থিংজিনখ্রে
-
মণিপুরদা তোপ-মেই কাপন্নবদ খুঙংগী ভোলুন্টির অম শিখ্রে, CRPF গী মীওই অনি য়াওনা মীওই অহুম শোকখ্রে
-
ফোক্সনা শীন্দুনা নোংমগী ওইবা একাদেমিক দিসকোর্স পাঙথোকখ্রে