আই সি আই সি আই প্র গোেল্ডন পেন্সন সেভিংসনা পুন্সি চুপ্পা শেল থুমগী নীংতম্বা ফংহনগদৌরি

আই সি আই সি আই প্রদেন্সিয়েল লাইফ ইন্সুরেন্সনা আই সি আই সি আই প্র গোল্ড পেন্সন সেভিংস কৌবা, সেফটি অমসুং ফ্লেক্সিবিলিটি হায়বসিদা যুম্ফম ওইবা বোনস-লিঙ্ক পেন্সন প্লান অমা মীয়ামগীদমক থৌরাং তৌরি। পেন্সন প্রদক্ট অসিনা হিংলিঙৈ অমসুং শিরবা মতুংদা কাষ্টমরশিং দা কান্নবা পীগদৌরি। অনা-অয়েক থোক্লকপা নংত্রগা শেল-থুমগী অচৌবা মথৌ তারকপদা শরুক খরা লৌথাকুনা শীজিন্নবসু য়াহল্লি। থমজিনথ্রবা মতুংদা মাঙখিগনি হায়বগী চিংননিঙাই অমত্তা লৈত্রে। ইমুং-মনুংগী তুংগী পুন্সিদা শেল-খুমগী অৱাবা লৈহন্দনবা ঘৌওইনা দিজাইন তৌরবা পেন্সন স্কিম অমা ওইরি হায়রি।

কম্পেনি অসিগী চীফ প্রদক্ট ওফিসার ভিকাস গুপ্তনা ফোঙদোকখিবা মতুং ইন্না ঐখোয়না চহী য়ামশিল্পভুনা থবক্তগী রিটায়র তৌরবা মতমদা রাখল-পুক্লিংগী নুংঙাইতবা কয়ামরুম লোয়নদুনা অৱাবা পোৎলুম পুবা হায়বসি মীওই অয়াম্বদা থোকই। অদুম ওইনমক, কম্পেনি অসিগী পেন্সন স্কিমদা য়াওহৌরবা কষ্টমরশিংগী ওইনদি থবক্তগী পোথারবা মতমদা পেন্সনগী অচৌবা বেনিফিট অমনা ঈমাঙদা লেপ্লরবা মতম ওইবনিনা রিটায়রমেন্টগী থৌরমশিং, মরুপ-মপাংশিংগা লোয়ননা হরাও-তয়াম্বগী ধুম-ধামগা লোয়ননা পাঙথোরানি হায়খি।

স্কিম অসিগী অনৌবা বোনস, ফ্লেক্সিবিলিটি কয়াগা লোয়ননা ঐখোয়গী পুন্সিগী করিগুম্বা তাঙ্কক অমদা শেল-থুমগী মথৌ তাবা থৌদোক অমদা শেনফম অদুদগী লৌথোক্লিংবা শরুক খরা হেক্তা লৌথোন্ত্বনা শীজিন্নবা যারে হায়খি। রিটাইয়রমেন্টগী কোরপসকা লোয়ননা অপুনবা শেনফম অদুগী চাদা ২৫ ফাওবগী চাংদা ইমর্জেন্সিগী রাফম লাকপদা খুদক্তা লৌথোকুনা শীজিন্নবা য়াহল্লি হায়বা রাফমশিং বিকাস। গুপ্তনা ফোঙদোকখি।