করাং পি ঐচ সি মথৌ অমত্তা তৌরমদবা থেংনখ্রে

বিষ্ণুপুর দিষ্ট্রিক্টকি মনূঙচন্না করাংদা লৈরিবা করাং প্রাইমারি হেল্থ সেন্টর (পি ঐচ সি) অসী মথৌ অমত্তা তৌরমদবা থেংনরে হা‌য়রি । সেন্টর অসী ওফিস অৱার মতমদা দাক্তর অমসুং নর্স নচিংবদি লায়রদনা কনাগুম্বা ষ্টাফ অমা ফাওবা লৈরমদ্রে , ভূট-প্রেটকি য়ূম অমগা চপ মান্ননা ওফিস অসীখক্তমক তূমিন্না লেপতুনা লৈরম্লে হায়না পিপল্স য়ুনাইটেদ য়ূথ এল্লাইন্স (পুয়া) গী মেম্বরশিংনা ফোণদোরকখ্রে।
লূপ অসীনা ঊখ্রূল দিষ্ট্রিক্টকী মফমশিংদা লৈরিবা গভর্নমেন্ট ওফিসশিং অমদি ইন্সটিট্যুসনশিংগী হৌজিক ওইরিবা মেনপাৱার, ইনফ্রাষ্ট্রকচর, ইক্বিপমেন্টনচিংবগী মতাঙদা কোয়না চত্তুনা য়েংশিনখ্রবা মতূঙদা করাংগী পি ঐচ সি অসীগী ফীভম ঙরাং য়েংশিনখিবনি।
পুয়াগী ৱাঙাঙলোয় ওইনাম নিকর্সন্না পাউমীশিংদা ফোঙদোকখিবা মতূঙ ইন্না, থাঙ্গা করাংদা কন্ট্রেক্টকি দাক্তর অমগা লোয়ননা নর্সশিং মহুৎ শিন্দুনা, চয়োল অমদা শূপ্নগী নুমিৎ হুম্নিখক ওফীস হাংবা উই হায়না খুঞ্জাশিংনা ফোঙদোরকখি হায়রি।ঈথৎ অসীদা লৈরিবা মীয়ামগী অনা-লায়েংগীদমক হাংদোকখিবা হেল্থ সেন্তর অসীদা পোষ্টিং তারিবা দাক্তর, নর্সনচিংবা পূম্নমক মশা-মশাগী য়ূমশিংদা তুমিন্না নীঙায়দনা লৈবগা লোয়ননা অতোপ্পা, অহেনবা শেন্দাল লম্বীদা চঙশীনখিবদগী সেন্তর অসীদা মীৎয়েং চঙখিদবনি হায়না লৌই হায়রক্লি।
মহুৎ শিনবা দাক্তর অমদি নর্সনচিংবা শেল খরা খরা পীদুনা নেক্লগা থবক পুহল্লি অদুগা হেল্থ সেন্তর অসীগী অশেংবা ষ্টাফশিংনা অহেনবা শেন্দাল লম্বীদা চৎখিবদগী মীয়ামদা খুদোংচাদবা কয়া মায়োক্নহনবনি হায়না পেন্দবা কয়া পুয়াগী থৌমীশিংনা ফোঙদোরকপগা লোয়ননা লৈঙাক্না মরী লৈনবশিংগী মথক্তা অকনবা মীৎয়েং চঙবিয়ু হায়না তকশীল্লক্লি।