মনিপুরদা হৌজিক হৌজিক মীয়াম্না মায়োক্নরিবা হীঙশাগী ঈরাঙ অসী কাঙলূপকি ওইবা ঈরাং শূকনৎ নত্তে, মসীদি ষ্টেট স্পোন্সর্দ টেরোরিজম্নি, প্রোক্সী ৱার চত্থরক্তুনা ঐখোয়গী য়েলহৌমীশিং তুম্না মাঙহন্ননবা অতম্ননা ইন্দিয়া লৈঙাক্না চত্থরকপা খূজীন-থৌরাং অমনি হায়না, কুমশিং ২০২৭ কি অঙনবা শরূক্তা পাঙথোক্লবা য়ানা লৈরিবা ১৩ শুবা মনিপুর লেজিসলেটিব এসেমব্লি মীখলদা য়াইস্কুল কেন্দ্রদা মীরেপ ওইগদৌরিবী থৌনাউজম ব্রিন্দানা ফোঙদোকখ্রে।
মহাক্না ঙরাং ইন্দিয়ান নেস্নেল কংগ্ৰেসতা য়াওরকপদা এমপিসিসি না মহাকপু তরাম্না ওকখিবা থৌরমদুদা ৱাফম অসী ব্রিন্দা না থম্লকখিবনি। ইম্ফালগী বি টি রোদতা লৈবা কংগ্ৰেস ভবন্দা পাংথোকপা তরাম্না ওকপগী থৌরম অদুদা ব্রিন্দানা মখাতানা হায়, লৈবাক অসীদা চৎনরিবা দেমোক্রেসি অসীদি এক্সপেরিমেন্টেল দেমোক্রেসিনি। মসীগী দেমোক্রেসী সিষ্টেম অসী মপূঙ ফানা মায় পাক্লবা মতূঙদা আইদিয়া ওফ দেমোক্রেসিদা লাক্কদবনি।হৌজিকমক্কি ওইনা মপূঙ-মরৈ ফারবা দেমোক্রেসি অদূ মনিপুর অমসুং ইন্দিয়াদা লৈত্রি।
ইন্দিয়াদা হৌজিক মীওই খরনা মীয়ামগী অপাম্বা, অনীঙবা পূম্নমক নমথদুনা থম্লগা, মখোয় খরখক্কি নুঙাইনবা থবক তৌরিবা ফেসসিজম সিষ্টেম চৎনদুনা লৈরি হায়খি। মনিপুর কনগে হায়রবদি পাম্বৈ অমখক্তদগী হেন্না লৈতে। পাম্বৈ অদূদি য়েলহৌমী অমসুং মনিপুরদা য়াম্না ঙল্লিঙৈ মতমদগী চঙলক্তুনা লৈরকখ্রবা নেটিবশিং পূন্সীন্নরগা মীতোপ থেংনবা, মখোয়বু লমদমসিদগী মরূ ফংনা ফূক্তোক্তুনা মাঙহনখিবা হায়বসিনি হায়না ব্রিন্দা না থমখি।
You may also like
-
মীওই অমা ব্রাউন সুগরগা কোন্ননা ফাগৎপা ঙমখ্রে
-
এন এম সীনা রিম্সতা এম বি বি এসকি সিট ১৫০ দা হেঙ্গৎনবা অয়াবা পীরকখ্রে
-
মনিপুরি লোলনা ৮শুবা সেদ্যুলদা চনখিবা নুমিৎ নীংশীং থৌরম, এল এস টি দা পাঙথোক্লগনি
-
নাগা ৬ হাৎপদা চেন্নবনি হায়বা, মৈতৈদগী কুকি ওনখ্রবা মতৈ মনাও ফারে
-
ষ্টেটকি সোসিয়ল ৱেলফ্যের দিপার্টমেন্ট না মীয়ামগী স্কিম কয়া পায়খৎপা লেপত্রি: শৈখ অব্দুল হাকিম