চৎলিবা চহী অসীগী হৌখিবা মে ১৩ দা কাংপোকপি দিষ্ট্রিক্টকী লৈলোন ৱাইফৈ ভিল্লেজ মনাক্তগী কুকি মিল্লিটেন্টশিংনা ফাখ্রগা য়াম্না কা হেন্না তমথিবা মীওৎ-মীনৈ চত্থরবা মতূংদা হকচাংগী শরূক্তা মকক কয়া থোক্না ককথৎতুনা হাৎলমখিবনি হায়রিবা নাগা মীচম তরূক অদূগী মনূঙদা য়াওরিবা কালিৱাংবৌ অবোনমাইগী ২৩ শুবা মপোক কুমওন থৌরম ঙরাং ইম্ফালগী পোরোম্পাত্তা লৈরিবা জৱাহরলাল নেহেরু ইন্সটিট্যুট ওফ মেদিকেল সাইন্সেস(জেনিম্স) কি মোর্গতা পাঙথোকখ্রে। মীহাৎপনি হায়রিবা কুকি -জো মিলিটেন্টশিং অদুগী মথক্তা লৈঙাক অসীনা করিগুম্বা এক্সন অমত্তা লৌখৎপা ঙমদে হায়বা খোল্লাউগা লোয়ননা নাগা মীয়াম্না অকনবা খোঙজঙ চঙশীন্দুনা ঙসীফাওবা নাগা মীচম তরুক অদূগী হকচাংশিং মোর্গতগী লৌশীন্দনা লৈরিবনি।
মীচম তরূক ফাদুনা পুখ্রবা মতূঙদা মীওইবগী লীচৎকি ৱাংমদা খ্বাইদগী তমথিবা মওংদা মতূপ কয়া থোক্না ককথত্তুনা হাৎখিবা অদুগী মতাঙদা মীয়াম অমদি ঈমূঙ-মনূঙ, মরী-মতাশিংদা জষ্টিস ফংহল্লু, মীহাৎপা মিলিটেন্টশিং অদূ ফাগত্তুনা আইনগী অকনবা চৈরাক ফংহল্লু, মদূ নত্রিফাওবা লৈখিদ্রবা মীচম তরূক্কি হকচাংশিং লৌখিরোই হায়বা নাগা মীয়ামগী খোঙজঙ অদূ চপ চানা ঈকায় খুম্নদুনা শৌগৎকনি হায়না, ঙরাংগী থৌরমদুদা শরূক য়াখিবা কালিৱাংবৌগী ময়াম্বা ৱিল্লিয়ম্না পাউমীশিংদা ফোঙদোকখি।
কালিৱাংবৌ অসী ওটো-রিক্সো থৌরগা ঈমূঙ-মনূঙ পুরিবা, ইচম চমজবা মীওই অমনি হায়নসু ময়াম্বনা মখা তানা ফোঙদোকখি।
You may also like
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে