নোং লেপ্তনা তাখিবদগী ইম্ফাল -জিরিবাম লম্বী, নেস্নেল হায়ৱে নম্বর ৩৭ তা লম্বী নমথবা অমসুং চীং নীংখায়রক্তুনা নুমিৎ নীনীরোম চূপ্না গারিশিং চত্থোক-চৎশিন তৌবদা অপনবা পীদুনা লাকখিবা অদূ শেংদোকখিবগা লোয়ননা শেমজীনখ্রে।
হৌজিক মাল পুবা গারিশিং চৎপা হৌরে হায়রি। লেন্দস্লাইদ অদূ মরূ ওইনা তমেংলোং ডিষ্ট্রিক্টকী কাইমাই অমসুং সিবিলোং অনীগী মরক্তা থোকখিবনি।
লম্বী অসীগী অতোপ্পা মফম খরদসু লেন্দস্লাইদ থোক্তুনা মীয়ামগী চত্থোক -চৎশীন তৌবদা খুদোংচাদবা কয়ামরুম মায়োক্নদুনা লাকখিবনি। আর সি সিগী স্লেব কলভর্টশিং শীজীন্নরগা শেমজীনখিবদগী ঙরাং অয়ূক পূং ৮:৩০ রোম তাবা মতমদগী মহৌশাগী মতৌগুম গারিশিং চৎপা হৌখিবনি হায়রি।অহানবগী ওইনা ইম্ফালদগী জীরিবাম তম্না চৎকদবা অহাঙবা মাল গারিশিং চৎপা হৌখিবনি। মসীদা খুদোংচাদবা অমত্তা থোকখিদবা মরম্না, জীরিবামদগী ইম্ফাল তম্না চঙলক্কদবা, পোৎ-চৈ থন্না য়াওরবা গারিশিংসু ইম্ফালদা সেক্যুরিটিগী অকনবা চেকশিন থৌরাংগা লোয়ননা চঙলকপা হৌখিবনি। মাল পুরকপা গারিশিং অদূ লম্বী ফাওনখিদবা মরম্না লম্বী অসীগী তোঙান তোঙানবা মফমশিংদা পন্দুনা লৈরকখিবনি।
You may also like
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি