তমেংলোং দিষ্ট্রিক্ট তা, হৌখিবা নুমিৎ নীনী-হুম্নি অসীদা অকনবা নোং লেপ্তনা হৈথরকপদগী শিবিলোং কৈমায় এরিয়াশিংগী মরক্তা শান্তিখুলগী সি আর পি এফ কেম্প মনাক্তা লেন্দস্লাইদ থোকপদগী ইম্ফাল -জিরিবাম লম্বী, নেস্নেল হায়ৱে -৩৭ থিংজিনখিবনা লম্বী ফাওনখিদ্রে, মাল গারী কয়ামরুম পন্দুনা লৈখ্রে।
মসীগী মথক্তা লম্বী অসীগী ওইনাম্লোং জিরো পোইন্ট অমদি নূঙ দোলান মনাক্তসু লেন্দস্লাইদ থোকখ্রে।শান্তিখুলদা থোক্লিবা লেন্দস্লাইদ অদূ খরা হেন্না ফীভম শোকখিবা,লম্বীগী শরূক্তা য়াম্না শাংনা নমথখিবা মরম্না তঙায়ফদনা অথূ-অকায়গী ওইনা মীয়াম অমদি গারীশিং চত্থোক চৎশীন তৌবা য়াননবা রোদ দাইভর্সন অমা শেম্বদা য়ামদ্রবদা নুমীৎ নীনী নত্রগা হুম্নিরোম চঙখিগদৌরি হায়না ওফিসিয়লশিংনা ফোঙদোরক্লি।
মসীনা মরম ওইরগা জীরিবামদগী ইম্ফাল তম্না সেক্যুরিটি কনভোইগা লোয়ননা লাকখিবা মাল পুরকপা গারিশিং লম্বীদা পন্দূনা লৈরি। ইম্ফালদগী জীরিবাম তম্না চৎখিগদবা অহাঙবা গারিশিংসু লম্বীগী তোঙান তোঙানবা মফম কয়াদা পন্দুনা লৈনরি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি