হৌখিবা কুমশিং ২০২৩ গী মে অহুমদগী হৌরকখিবা মৈতৈ-কুকি কম্যুনিটি অনীগী মরক্তা থোক্লিবা হীঙশাগী ঈরাঙ অসীদা কাংপোকপি দিষ্ট্রিক্টকী মনূঙচন্না মফম কয়াদা খুন্দাদুনা লৈরম্বা মৈতৈ ফূরূপকি আই দি পিশিং হৌজিক তোঙান তোঙানবা রিলিফ কেম্পশিংদা অমদি মরী-মতাশিংগী য়ূমশিংদা চঙজফম লৌদুনা লৈরি।
মৈতৈ য়ুনিয়ন কাংপোকপি দিষ্ট্রিক্ট মনিপুরগী লুচিংবশিং অমদি আই দি পিশিংগী মরক্তগী খনগৎলবা মীহূৎ কাঙবূ অমগা চিফ মিনিষ্টর য়ূম্নাম খেমচান্দগা ঙরাং ষ্টেট সেক্রেটরিয়েত্তা উনখ্রে। হৌজিক ফাওবা মশাগী য়ূমশিংদা হঞ্জিলহনবা ঙমদনা লৈরিবা, কাংপোকপি দিষ্ট্রিক্টতগী লাঞ্জেন্নরকখিবা আই দি পিশিং অসীগী রিলিফ অমসুং রিহেবিলিটেসন গীদমক মহাক্কি লৈঙাক্না হনবা নাইদনা থবক পায়খৎলি, মখাতানা পাংবা য়াবা মতেংশিং পাংখিগনি অদূগা অতৈ আই দি পিশিংগীসু চপ মান্নবা থৌরাং পায়খত্তুনা অথূবা মতমদা মহৌশাগুম খুন্দা-লৈতাহন্নবা থৌরাং তৌরি হায়না চিফ মিনিষ্টরনা আই দি পিশিং অদূদা অচেৎপা থাজবা পীখি।
আই দি পি শিংনা হৌজিক খুদোংচাদবা কয়া মায়োক্নদুনা, য়াম্না ৱানা রিলিফ কেম্পশিংদা চঙজফম লৌদুনা লৈরক্লিবা অসি মহাক্কি লৈঙাক্না খ্বাইদগী লূম্না লৌদুনা লমদমসিদা মহৌশাগী শক্তম হঞ্জিল্লক্ননবা হোৎনরি হায়বা ৱাফম চিফ মিনিষ্টরনা ফোঙদোকখি।
You may also like
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে