কাংপোকপি দিষ্ট্রিক্টকী মনূঙচন্না লৈবা লৈলোন ৱাইফৈ ভিল্লেজদা হৌখিবা মে ১৩ দা কুকি মিলিটেন্টশিংনা লিয়াংমৈ নাগা মীচম তরূক ফাদুনা পুখ্রবা মতূঙদা মীওইবগী লীচৎকি ৱাংমদা, খ্বাইদগী তমথিবা মওংদা মতূপ কয়া থোক্না ককথত্তুনা হাৎখিবা থৌদোক্তুদা চেন্নরিবা কুকি নেস্নেল ফ্রন্ট -প্রসিদেন্ট (কে এন এফ -পি) গী টেরোরিষ্ট শিংগী মথক্তা লৈঙাক অসীনা ঙসী ফাওবা করিগুম্বা এক্সন অমত্তা লৌখত্তবা, চেন্নবশিংগী মনূঙদগী টেরোরিষ্ট অমা ফাওবা ফাগৎপা ঙমদববু য়াম্না কন্না পেন্দবা অমসুং য়ানিংদবা ফোঙদোক্তুনা নাগা মীয়াম্না থাংজা নুমিৎতা ইম্ফালদা প্রোটেষ্ট রেল্লি চৎখ্রে।
ওল নাগা ষ্টুদেন্টস এসোসিয়েসন মণিপুর (অন্সম) না শীন্দূনা পাঙথোকখিবা, মীয়ামগী প্রোটেষ্ট রেল্লি অদূদা শরূক য়াখিবশিংনা নাগা মীচম তরুক অদুগী অচূম্বা ৱায়েল মীয়াম অমসুং ইমুং মনুংগী মীওইশিংদা ফংহনগদবনি,মনিপুরদা ঈং-তপ্পা শক্তম হঞ্জিলহল্লু, দিপ্যুটি চিফ মিনিষ্টর নেমচা কিপগেন খূদক্তা ফম লৌথোকউ, সস্পেন্সন ওফ ওপরেসন্স (সূ) এব্রোগেট তৌগদবনি, কে এন এফ-পি অসী টেরোরিষ্ট ওর্গানাইজেসন অমনি হায়না লাউথোক্কদবনি হায়বা খোল্লাউশিং লাউখি।
ইম্ফালগী তাঙ্খুল বেপ্তিষ্ট চর্চ কমপ্লেক্সতগী চৎপা হৌরকখিবা প্রোটেষ্ট রেল্লি অদূ খোয়াথোং ফাওরগা লাকপনা ইম্ফালগী মাও মার্কেট্টা লমথূঙফম ওইখি। রেল্লি চৎলিঙৈদা গভর্নর অমসুং চিফ মিনিষ্টরগী কনভোই লাকপা উবদা খোং শাওনরবা মীয়ামদুনা অকনবা খোল্লাউ কয়াসু লাউশিনখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে