ইম্ফাল ইষ্ট দিষ্ট্রিক্টকি মনূঙচন্না খূরায় কেন্দ্রগী এম এল এ লৈশাংথেম সুসিন্দ্রোগী মীৎয়েং মখাদা, কেন্দ্র অসীগী নূপীশিং শেন্থোক লৈহনবগী মথক্তা শূনীং -নোম্নীংবগী হৈনবি শেমগত্তুনা ৱার্ক কলচর অমা থম্নবা পান্দমদা হাংদোকপা “শিল্লৈমা ৱিভিং সেন্টর” গী অহুমশুবা য়ুনিট ঙরাং কেন্দ্র অসীগী এম এল এ সুশিন্দ্রোগী লোয়নবী লৈসাংথেম ওঙবী বেমবেম্না হাংদোক্তুনা মীয়ামদা খূৎশীন্নখ্রে।
ৱিভিং সেন্টর হাংদোকখিবা থৌরমদুদা লাইশ্রম লৈকায় জি পিগী এদমিনিষ্ট্রেটিভ কম্মিটিগী চ্যেরমেন এল বিরহরীসু শরুক য়াখি।কেন্দ্র অসীদা হাংলিবা শিল্লৈমা ৱিভিং সেন্টরশিংগী মেনেজমেন্ট কম্মিটিগী প্রসিদেন্ট দা. টি ঐচ চাউবা দেবি না থৌরম অদূগা মরী লৈননা হায়, ঙরাং হাংদোকখিবা অদূনা খূরায় কেন্দ্রগী ওইনা এম এল এ সুশিন্দ্রোগী মীৎয়েং মখাদা হাংদোকপা অহুমশুবা ৱিভীং সেন্টরনি।
হায়রিবা সেন্টর অদূদা ৩৫ না তোঙান তোঙানবা মখল কয়াগী ফি শাদুনা পুথোক্কনি। ঈরমদমগী পোত্থোক শীজীন্নদুনা শেৎপা -চাবদা মীতোপশিংগী মিপাল তাংদনবা, নূপীশিং শেন্থোক লৈহন্দুনা ইজ্জৎ লৈনা হিংহন্ননবা অমদি মিপাল তাংদবা মনিপুর অমগী পান্দমদা থৌশিল অদূ এম এল এ সুশিন্দ্রোনা পায়খৎলকপনি হায়খি।
শিল্লৈমা ৱিভিং সেন্টর অহুম অসীদা পূন্না ফিশাবী ২৫০ রোমদা কান্নবা পীবা ঙম্লক্লে হায়খি। মখাতানা কেন্দ্রগী অতৈ লৈকায়শিংদসু ৱিভীং সেন্টরশিং হাংদোকখিগনি হায়না চাউবনা ফোঙদোকখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে