ইন্দিয়ান নেস্নেল কংগ্ৰেস (আই এন সী) গী লুচিংবা অমসুং লোক সভাদা ওপ্পোজিসন লুচিংবসু ওইরিবা রাহুল গান্ধীগী ৫৬ শুবা মপোক নুমিৎতা ঙরাং কংগ্ৰেস লেজিসলেচর পার্টি (সি এল পি) লিদর অমসুং ৱাংখেম কেন্দ্রগী এম এল এ কৈশাম মেঘচন্দ্রনা, চৎপা ঙমদ্রবা, দিসএবল্ড ওইরবা মহাক্কি কেন্দ্রগী মীওই অহূমদা হ্বিল চ্যের অমমম খূদোল তমখ্রে। থৌবাল হাওখা, চরাংপাৎ অমসুং হৈত্রোইপোকপী হায়রিবা, ৱাংখেম কেন্দ্রগী মনূঙ চন্না লৈবা খুঙ্গং অহুম অসীদা লৈবা মীওই অহূমগী য়ূমথোঙশিংদা এম এল এ অসীনা হকথেংননা চত্তুনা হ্বীল চ্যের অমমম খূদোল তমখিবনি।
এম এল এগী তেঙবাং খোঙচৎ অদুদা ৱাংখেম ব্লোক কংগ্ৰেস কম্মিটিগী প্রসিদেন্ট কিরামৎ আলি অমদি কংগ্ৰেস পার্টীগী থৌমী কয়াসু শরুক য়াখি। থৌরমদুদা এম এল এ না পাউমীশিংদা ফোঙদোরকখিবা মতূঙ ইন্না, হৌজিক ওইরক্লিবা মনিপুর অমসুং ইন্দিয়াগী ফীভমশিং অসীদা ৱারোয়শিন পুরকপা ঙম্বা এন দি এগী লুচিংবা অমত্তা লৈত্রি।
লুচিংবা অমত্তা লৈতবদগী চহী অহূম হেল্লক্লবা মনিপুরগী ঈরাং লাকশীনবা ঙমদবনি।লৈবাক অসীগী, থোইদোক হেন্দোক্না মনিপুর মীয়ামগী অশেঙবা ঈহূল খঙবা লুচিংবা অমখক হায়বা তারবদি রাহুল গান্ধী মথন্তনি হায়খি।মহাক্কী মপোক কুমওন থৌরমগা মরী লৈননা “টুগেদর ফোর দিগ্নি, ইক্বেলিটি এন্দ এম্পাৱারমেন্ট” হায়বা ৱাখল্লোন্দা হ্বীল চ্যেরশিং অদূ , চৎপা ঙম্বগী খুদোংচাবা ৱাৎনা লৈরিবা মীওই অহূমদা মতেঙ পাংবনি হায়খি।
You may also like
-
খূরায় কেন্দ্রগী অহুমশুবা শিল্লৈমা ৱিভিং সেন্টর সাজোর লৈকায়দা হাংদোকখ্রে
-
মূক্নবনা ঐখোয় চাওখৎপা ঙম্লোই,মাঙনিন্নখিবা য়াই, নুংশি-চান্ননা হিংমিন্ননবা হোৎনমিন্নসি: চিফ মিনিষ্টর
-
মীওই লীশিং কয়া শরূক য়াদুনা দি গ্ৰেট জূন অপরাইজিং, য়ুনিটি দেগী থৌরম পাঙথোকখ্রে
-
চুরাচান্দপুর দিষ্ট্রিক্ট হোস্পিপালগী ওপরেসন থিয়েটর মৈ থারম্লে
-
মনিপুরগী য়েলহৌমীশিং মুত্থৎনবা ইন্দিয়াগী অরোনবা, অফোঙবা থৌরাংশিং ঐখোয়না চপচানা থেংনহৌদ্রবদি য়েলহৌমীশিং তুম্না মাঙখ্রগনি: ৱাই কে ধীরেন