ঐখোয় মশেল অসুম মূক্নদুনা, খৎনদুনা লৈরবদি শান্তি হঞ্জিলহনবা ঙম্লোই, চাওখৎ মায়কৈদা চঙশীল্লকপসু ঙম্লরোই অদূগা খ্বাইদগী মরূওইনা ঐখোয়না নীংশিংগদবদি, মূক্নবা, খৎনবা অমসুং হাৎন-শুনবা লৈরিবা লমদম অদূ লৈখা তানা মাঙখিবা নত্তনা ওইজবা, তোংজবা অমত্তা লৈতে হায়বসিনি।
ৱাফম অসী মনিপুরগী চিফ মিনিষ্টর য়ূম্নাম খেমচান্দনা ঙরাং তেংনৌপল দিষ্ট্রিক্টকি হৈককপোকপীদা লৈবা মিসন ব্লাইন্দ স্কুলগী গার্লস হোষ্টেল অমা শঙ্গাবগী থৌরমদা ফোঙদোকখিবনি। মনিপুর লৈঙাক্কি গেজেট নোটিফিকেসন দা য়াওদুনা লৈরবা, লৈঙাক্না শকখঙলবা লমদমসিগী লেঙদ্রবা নেটিব ৩৬ কি মনূঙদা হৈককপোকপীখক্তদা নেটিব ৭ রোম খুন্দাদুনা পূন্না লৈমিন্নরিবসি পূক্নিং থৌগৎনিঙায়নি হায়না চিফ মিনিষ্টরনা অপেনবা ফোংদোকখি।
মনিপুরগী ঙমখৈ অসী অতোপ্পা কনামত্তনা পীরম্বা নত্তে, কাঙলূপ ৩৬ অসীনা পূন্না হোৎনমিন্নদূনা ঙাকমিন্নদুনা লাকখিবনি হায়খি।