পিপল্স য়ুনাইটেদ য়ূথ এল্লায়ন্স (পুয়া) না মনিপুর লৈঙাক্কি হেল্থ সার্বিসেস লোয়শঙগা খূৎশম্নরগা কামজোং দিষ্ট্রিক্টকি মনূঙ চনবা, ম্যান্মার বোর্দরগা তাইনবদা লৈরিবা কাকা, আলোয়ো চোরো, অমসুং জেট চোরো খুঙ্গংশিংগী মীয়ামদা হকশেলগী খুদোংচাবশিং ফংহন্নবা পান্দমদা পাঙথোকপা নুমিৎ নিনীগী হেল্থ কেম্পতা, অহানবা নুমিত্তা শরূক য়ারমখিবা ইম্ফাল মায়কৈগী দাক্তরশিং, নীনী চনবা অরোয়বা নুমিত্তা মফমদুদা লাকপা ঙম্লরোই হায়রকপদা পুয়াগী কাঙবূনা অঙকপা ফোঙদোরকখিবগা লোয়ননা মৈ হৌনা শাউখ্রে।
মনিপুর লৈঙাক্কি হেল্থ সার্বিসেস কি দিরেক্তরনা শীন্দুনা দাক্টরশিং অদূ কেম্পতা শরূক য়াখিবনি অদূবু চীঙনূংগী অরাপ্পা মফম্নি, খুদোংথীবা থোক্কনি, সেক্যুর ওইবা মফম ওইদে হায়বা ৱাফমদা দাক্টরশিং অদূ নীনী চনবা নুমিত্তা লাক্লরোই হায়রকখিবনি হায়রি।হন্দক্তা কে এন এ -বিগী টেরোরিষ্টশিংনা য়ূমশিং তুম্না মৈ থোদোক্লম্বদগী অৱাবা মায়োক্নরবা জেট চোরোগী খুঞ্জাশিং হৌজিকসু লাঞ্জেন্নদুনা য়াম্না ৱানা লৈরিবনি।
অসীগুম্বা অৱা-অনা মায়োক্নরবশিং অসীদা মতেঙ পাংনিংদবা, মশাগী মথৌ মশক খঙদবা, মেদিকেল ইথিক্স য়াওদবা দাক্টরশিং অসী পারা তম্বীফম থোকপনি হায়না পুয়াগী জেনরেল সেক্রেটরি লোংজম অবোথে মৈতৈনা ফোঙদোকখি। ইম্ফাল মায়কৈগী মীওইখক্তা লায়েঙগনি, অরাপ্পদা চৎপদি ঙম্লোই হায়রিবা ৱাখল্লোন অসীদি দাক্টর ওইরুবগী ৱাহন্থোক লৈতে, দাক্টরগী মিংদা শেল তানবা কাঙবূ অমনি হায়না মহাক্না পেন্দবা ফোঙদোকখি।
You may also like
-
সোর্ট ফীল্ম “দি টোই ষ্টোরি” খল্লক্লে
-
লোক্তাক দাউনষ্ট্রিম পৱার প্রোজেক্ট মূত্থৎনবা ৱারেপ লৌখ্রে
-
অন্দ্রো কেন্দ্র শেমগৎনবা এম এল এ শ্যামকুমারদা ক্রোর ১০ পীরগনি: চিফ মিনিষ্টর
-
মোইরাংপুরেল সি ঐচ সিদা লায়েঙবগী টিকেট মমল লন্নাই হোস্পিটালদগী হেল্লম্লে : পুয়া
-
মনিপুরদা দেঙ্গী লায়নাগী পোজিটিব কেস মশীং হেঙ্গৎলক্লি