স্পেসিয়েল ইন্টেন্সিব রিভিজন (এস আই আর) গী মখাদা মনিপুরদা লৈরিবা য়ূমথোঙশিংদা, বুথ লেভেল ওফিসার (বি এল ও) শিংনা কোয়না চত্তুনা ইন্যুমরেসন ফোর্ম য়েন্থোকপা হৌগদৌরি। মসীগী মনূঙচন্না থৌবাল দিষ্ট্রিক্টকি ওইনসু ঙসী, মে থাগী চৈচৎ ৩০ অসীদগী বি এল ওশিংনা দিষ্ট্রিক্ট অসীগী এসেমব্লি সিট ৬ মক্তা লৈরিবা য়ূমথোঙ খূদীঙদা চঙদুনা ইন্যুমরেসন ফোর্মশিং য়েন্থোকপা হৌখ্রে।
দিষ্ট্রিক্ট ইলেক্সন ওফিসার (দি ই ও) সু ওইরিবী থৌবাল দিষ্ট্রিক্টকি দেপ্যুটি কম্মিস্নার য়ূম্নাম রোবিটানা হীরম অসীগা মরী লৈননা মহাক্কি কনফরেন্স হোলদা ঙরাং পাঙথোকখিবা প্রেস কনফারেন্স অমদা পাউমীশিংদা হায়, য়াম্না মরূওইনা , মীয়ামগী মিং ভোটর লিষ্টতা য়াওহৌননবা চত্থরক্লিবা লৈঙাক্কি থৌশিল অসীদা মীয়াম্না মপূঙফানা কোওপরেসন পীবীদুনা বি এল ওশিংগী মতেঙ পাংবিয়ু।ভোটর চনবদি য়ারগা হৌজিক ফাওবা ভোটর চন্দ্রিবশিংনা ইন্যুমরেসন ফোর্ম অমমম লৌবিরগা নীংথিনা মেন্সিল্লবা মতূঙদা বি এল ওশিং অদূমক্তদা শিন্নবিগদবনি।
মিং, লৈফম্নচিংবা লানবা, মিং য়াওরক্তবনচিংবগী মতাঙদা মীয়াম্না, লাক্লিবা জুলাই ৫দগী আগষ্ট থাগী ৪ ফাওবদা ৱাক্কত্তুনা ক্লেম অমদি ওবজেক্সন চত্থহৌগদবনি হায়না দি ই ও অসীনা ফোঙদোকখি। মহাক্না মখাতানা হায়, মতমসিগী মনূঙদা ভোটর লিষ্টতা মিং য়াওরক্তবা নত্রগা লান্না য়াওরক্লবদি অমূক হন্না চুমথোকহৌগদবনি।দ্রাফ্ট ইলেক্টোরেল রোলশীং চহী অসীগী সেপ্তেম্বর ৬ তা ফোঙগনি হায়না রোবিতানা মখা তাখি।
You may also like
-
নোং কন্না তাবদগী লৌফম কয়া ঈশীং থুমজিনখ্রে, লম্বীশিং তুরেলগা পাঙ্খক ওইরে
-
মনিপুরগী ঈরাং অসীনা চাওখৎ-থৌরাংগী থবকশিং থীন্থহল্লে: দিরেক্টর
-
লমশাং কেন্দ্র অসী চাওখৎপগী খোঙজেলদা য়াঙনা চঙশীল্লক্লি: চিফ মিনিষ্টর
-
সেন্টরনা হায়র ইদুকেসন দিপার্টমেন্টগী সেক্রেটরি ভিনিট জোসি থাংদোকখ্রে
-
মনিপুরদা সেক্যুরিতি ফোর্সশিংনা খোংজং চেল্লে মিলিটেন্ত ৪ অমসুং ড্রাগস থোংবা নুপী অমা ফাগৎখ্রে