লমশাং কেন্দ্রদা তোঙান তোঙানবা চাওখৎ-থৌরাংগী থবকশিং খূমাঙ য়াঙনা পায়খৎলক্লি। মসীগী শরূক অমা ওইনা ঙরাংসু কেন্দ্র অসীগী মনূঙ চন্না লৈবা সলামদা হন্দক্তা নৌনা শাবা ঈমা কৈথেল অমগা, দিষ্ট্রিক্ট ইন্সটিট্যুট ওফ ইদুকেসন এন্দ ট্রেনিং ( দাইট) গী বিল্ডীং অমগা চিফ মিনিষ্টর য়ূম্নাম খেমচান্দ না শঙ্গারদুনা মফম অসীগী মীয়ামদা খূৎশীন্নখ্রে।
মনিপুর লৈঙাক্কি মখাদা লৈরিবা ষ্টেট কাউন্সিল ওফ ইদুকেস্নেল রিছার্স এন্দ ট্রেনিং (এস সি ঈ আর টি) দিপার্টমেন্টনা শীন্দুনা পাঙথোকখিবা থৌরম অদূদা লমশাং কেন্দ্রগী এম এল এ সোরোখাইবম রাজেন অমসুং লমদম অদোমগী মীয়ামগী লুচিংবশিং শরূক য়াখি। চিফ মিনিষ্টরনা থৌরমদুদা হায়, প্লানিং দিপার্টমেন্টগী অচৌবা মতেঙগা লোয়ননা লূপা ক্রোর ৩ চঙনা শারিবা ঈমা কৈথেল অসীনা লমদম অসোমগী অমদি মনিপুর মীয়ামগী শেন্মিৎলোন ফগৎহনবদা অচৌবা মতেং পাংলগনি।
সমাগ্ৰা (টিচর ইদুকেসন) গী মখাদা শঙ্গারিবা দাইট কি বিল্ডিং অমদি অতৈ প্রোজেক্ট কয়ামরুম পায়খৎলক্লিবা অসীনা মরম ওইরগা লমশাং কেন্দ্র অসী চাওখৎপগী অনৌবা খোঙথাঙ অমদা চঙশীল্লক্লি হায়না চিফ মিনিষ্টরনা থৌরমদুদা তিনখিবা মীয়ামদা ফোঙদোকখি।
You may also like
-
এন আর সি খূদক্তা অপদেট তৌগদবনি হায়দুনা লিলোংদা ৱাকৎ মীফম চত্থখ্রে
-
রুদা একাদেমি গী মহৈরোয়শিংনা ৱেষ্ট মেনেজমেন্ট প্লান্ট য়েংখ্রে
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার