মনিপুরদা হৌখিবা নুমিৎ খরনিগী মতমসিদা ময়ায় ওইরপ তৌবদগী অকনবা চাং ফাওবদা লেপ্তনা নোং হৈথরকপদগী লৈক্রক চত্তুনা লৌ পানবা য়ারমদ্রবা লৌফম কয়া হৌজিক অমূক, কা হেন্না ঈশীং চাউরক্তুনা থূমজীনখিবদগী লৌঊ-পান্থাগী মতম লোইশিল্লক্লবা মতাঙ অসীদা লৌমীশিংদা চাউনা চৈথেং পীরক্লি।
মীয়াম্না চত্থোক-চৎশীন তৌরিবা লৈরক-খুল্লক্কি লম্বীশিংদগী হৌরগা ষ্টেট অমদি নেস্নেল হায়ৱেশিংগী মফম কয়াদা ঈশীং থূমজীন্দুনা তুরেলগুম ঈচেল কন্না চেন্দুনা লৈরি। থৌওং অসীনা মরম ওইদুনা লম্বীদা খোঙনা অমসুং গারীনা চত্থোক-চৎশীন তৌবদা চাউনা খুদোংচাদবা মায়োক্নরি। মসীগীসু মথক্তা হৌজিক নম্বূল তুরেল, নম্বোল তুরেলনচিংবদা, খঙহৌদবা মীকূপ অমদা হেক্তা ঈচাও থোক্লকপা য়াবা চাং অমদা ঈশীং ঈমায় পাদুনা চেল্লি।
ষ্টেট লৈঙাক্কি ৱাটর রিছোর্সেস দিপার্টমেন্ট না থাদোরকপা চেরোল অমগী মতূঙ ইন্না, জুলাই থা অসীগী চৈচৎ ২৩ দগী ২৪ ফাওবগী মনূঙদা মনিপুরগী কেপিটেল ইম্ফালদা চুখিবা নোংগী চাং অসী মিল্লিমিটর ৩২ য়ৌখি। লম্ফেল এরিয়াদদি মিল্লিমিটর ৩৫ ফাওবগী চাংদা অকনবা নোং হৈথরকখি হায়না থম্লক্লি।
নম্বুল তুরেলগী ঈচেল, হৌজিক ৱার্নিং লেভেলগী মথক্তা চেল্লি। মসীগী ৱার্নিং লেভেল অসী মিটর ৭৮১.১৭৫ নি। ঈচাও থোকপা য়াবগী থাক্না মিটর ৭৮২.১৭৫ নি, অদূগা খ্বাইদগী ৱাংবা ঈচাও থোকপা য়াবগী চাং অদুনা মিটর ৭৮৩.৬৭৫ নি। হৌজিক তুরেল অসীগী ঈশীংগী ঈমায় মিটর ৭৮২.৪৭৫ য়ৌরে। মসীনা মরম ওইদুনা তুরেল অসীগী তোর্বান পরীংদা লৈরিবা ঈমূঙ কয়া শাফগদবা মফমশিংদা চেন্থোক্নবা হৌখ্রে।
You may also like
-
মনিপুরগী ঈরাং অসীনা চাওখৎ-থৌরাংগী থবকশিং থীন্থহল্লে: দিরেক্টর
-
লমশাং কেন্দ্র অসী চাওখৎপগী খোঙজেলদা য়াঙনা চঙশীল্লক্লি: চিফ মিনিষ্টর
-
সেন্টরনা হায়র ইদুকেসন দিপার্টমেন্টগী সেক্রেটরি ভিনিট জোসি থাংদোকখ্রে
-
মনিপুরদা সেক্যুরিতি ফোর্সশিংনা খোংজং চেল্লে মিলিটেন্ত ৪ অমসুং ড্রাগস থোংবা নুপী অমা ফাগৎখ্রে
-
হৌখিবা অহীঙদগী ইম্ফাল-য়াইরিপোক লম্বীদা পূং ৭২ গী বন্দ হৌখ্রে