কুকি মিলিটেন্টশিংনা মে ১৩ গী অয়ূক্তা ফাজীনখিবদগী হৌজিকফাওবা থাদোক্তনা, হিংলিব্রা নত্রগা হাৎতোকপিখ্রব্রা হায়বা মফম খঙহন্দনা থম্লিবা নাগা মীচম ৬ অদূগী চপচাবা অরেপ্পা অমা খঙহল্লু, মখোয়বু লৈঙাক্না খূদক্তা রেসক্যু তৌগদবনি, মীয়ামদা জষ্টিস ফংহল্লু, কুকি টেরোরিষ্টশিং তকথোক উ, মনিপুরদা কুকি ফূরূপকি পুৱারি লৈতে হায়বা খোল্লাউশিংগা লোয়ননা ঙরাং মশীং য়াম্লবা, মৈতৈ, নাগা অমসুং মৈতৈ-পাঙল ফূরূপকি নূপা-নূপী লীশীং কয়ানা শরূক য়ারদুনা অকনবা অমসুং অচৌবা প্রোটেষ্ট রেল্লি অমা চৎখ্রে।
ইম্ফাল ইষ্ট দিষ্ট্রিক্টকি ন্যূ চেক্কোন্দা লৈরিবা ট্রাইবেল মার্কেত্তা ফূরূপ কয়াগী মীয়াম্না পূল্লবা মতূঙদা অচৌবা প্রোটেষ্ট রেল্লি অমা চৎপা হৌরকখিবনি। প্রোটেষ্টরশিং অদুনা পেলেস গেটতা লৈরিবা ক্রোসিং য়ৌরকপদা পুলিসনা থিংদুনা চৎহনখিদে। অদূম ওইনমক, মীয়াম অদূগী মরক্তগী মীওই ৮ খক খনগৎলবা মতূঙদা চিফ মিনিষ্টর বংলোদা চঙদুনা, মীয়াম অদুনা পুরকখিবা মেমোরেন্দম অমা পীশীলহনখি।
মীয়াম অদূনা, কুকিগী পুৱারি অমত্তা মনিপুরদা লৈরক্তে, মনিপুরগী শক্তম কায়বা য়ারোই, মীয়ামগী পুন্সি অমদি লন-থুম লৈঙাক্না কল্লু, লোং লিব মনিপুর হায়বা খোল্লাউশিং লাউখি। প্রোটেষ্টরশিং অদুনা, নেমচা কিপগেনবু লৈঙাক অসীগী দিপ্যুটি চিফ মিনিস্তরগী ফমদগী খূদক্তা লৌথোক্কদবনি, মিলিটেন্টগী লোয়নবীদা মতৌ করম্না মনিপুরগী দিপ্যুটি চিফ মিনিষ্টরগী ফমথোল থিন্দোক্লিবনো হায়না অকনবা খোল্লাউশিংগা লোয়ননা য়ানিঙদবা ফোঙদোকখি।
You may also like
-
লৈঙাক-সাসনগী মথোঙ খঙদ্রবা, মপী-মপা পান্দ্রবা বি জে পিগী লাংদা মীয়াম পঙথবিরনু: তিলোতামা
-
পুলিস দিপার্টমেন্টকি ভেহিকল ৪৭৭ চিফ মিনিষ্টরনা ফ্লেগ ওফ তৌদুনা খূৎশীন্নখ্রে
-
মার্ক ৱাংনা ফংদুনা মায় পাক্লকখ্রবা মহৈরোয়শিংবু তরাম্না ওকখ্রে
-
এন ৱাই পি, মনিপুর ষ্টেট কাউন্সিলগী জেনরেল এসেমব্লী পাঙথোকখ্রে
-
চিফ মিনিষ্টরনা হৈরোক্তা শাগৎলিবা এম টি য়ূগী এক্সটেন্সন কেম্পস য়েংশিনখ্রে