ঙরাং চিফ মিনিষ্টর য়ূম্নাম খেমচান্দনা থৌবাল দিষ্ট্রিক্টকি হৈরোক্তা শেমগৎ-শাগৎপগী থবক চত্থরিবা মনিপুর টেক্নিকেল য়ুনিভর্সিটি গী এক্সটেন্সন কেম্পসকি ফীভম য়েংশিনখ্রে। চিফ মিনিষ্টরগী য়েংশিন-খোঙচৎ অদুদা হৈরোক কেন্দ্রগী এম এল এ দা.থোকচোম রাধেশ্যাম, এম টি য়ূগী ভাইস চাঞ্চেল্লর প্রোফেসার দব্লিয়ু চান্দবাবু অমদি ষ্টেট লৈঙাক্কি ইদুকেসন কম্মিস্নার নিংথৌজম জিওফ্রীসু লোয়নখি।
এম টি য়ূগী এক্সটেন্সন কেম্পস অদূগা, নেস্নেল হায়ৱে ১০২, ইম্ফাল -মোরে লম্বীগা শম্নরিবা, কিলোমিটর তরূকলোম শাংবা এপ্রোচ রোদকি শরূক অদু কোইলাস নীঙথীজনা থানবা পব্লিক ৱার্কস দিপার্টমেন্ট গী চিফ ইঞ্জিনিয়রদা চিফ মিনিষ্টরনা খঙহনখি। এক্সটেন্সন কেম্পস অদূগী অকোয়বদা য়াম্না চেকশীন্না ৱাল খাগৎনবা, দ্রেন মওং -মরীল তানা থম্ননবা অমসুং কেম্পস মনূঙদা ফূটপাৎশিং মরাঙ কায়না থম্নবসু চিফ মিনিষ্টরনা মরী লৈনবা পি দব্লিয়ু দিগী ওফিসিয়েলশিংদা অকনবা ইন্সট্রক্সন পীখি।
লাক্লিবা জুলাই থা নত্রগা আগষ্ট থাদগী এক্সটেন্সন কেম্পস অসীদা অনৌবা একাদেমিক সেসন হৌনবগী ৱাফম অমসু এম টি য়ূগী ভাইস চাঞ্চেল্লরনা চিফ মিনিষ্টর দা পুখৎখি। মদূগী তুংদা চিফ মিনিষ্টারনা, হৌজিকমক্কি ওইনা লৈঙাক্কি বিল্ডীং অমদা চল্লাইরিবা জৱাহর নবোদয়া বিদ্যালয়াগী ফীভম য়েংশিনখি অদুগা মখাতানা মহাক্না হৈরোক্তা লৈরিবা কম্যুনিটি হেল্থ সেন্টরদা চত্তুনা মফম অদূগী হেল্থ ফেসিলিটিশীং য়েংশিল্লমখি।
You may also like
-
এন ৱাই পি, মনিপুর ষ্টেট কাউন্সিলগী জেনরেল এসেমব্লী পাঙথোকখ্রে
-
মনিপুরগী শক্তম থুগাইনবা হোৎনরক্লিবা য়েলহৌমী নত্তবশিং মরূ ফূক্তৎলগা মাঙহনখ্রসি: এম এল এ রাধেশ্যাম
-
য়ূথ কংগ্ৰেসকি থৌমীশিংনা চিফ মিনিষ্টর তূমদূনা লৈরগনু, হৌগৎলো হায়দুনা সি এমগী গেট থীন্দুনা লাউশিনখ্রে
-
কোরিয়া লোন্দা ইবা লাইরিক অমা মনিপুরি অমদি ইংলিসতা হন্দোক্লগা রিলিজ তৌখ্রে
-
এম এস এফকি লমজীং মখাদা মহৈরোয়শিংনা খোল্লাউ কয়াগা লোয়ননা ৱাকৎ মীফম চত্থখ্রে