কোরিয়া লোন্দা ইবা লাইরিক অমা মনিপুরি অমদি ইংলিসতা হন্দোক্লগা রিলিজ তৌখ্রে

কোরিয়ান রাইটর দা.জিওন সুং টাই না কোরিয়া লোন্দা ইবা, ” Yeogineun Khwenchannayo হায়না মিংথোনবা ৱারী মচাগী লাইরিক অমা, মনিপুরি অমদি ইংলিস, লোল অনীদা তোঙান তোঙান্না ট্রান্সলেট তৌরবা মতূঙদা ঙরাং রিলিজ তৌখ্রে।
তোঙান তোঙানবা লোল অনীদা ফোঙদোকখিবা লাইরিক অনীদু মনিপুর য়ুনিভর্সিতি(এম য়ূ) গী দিপার্টমেন্ট ওফ ফোরেন লেঙ্গুৱেজেস (কোরিয়ান) দা মাষ্টর তম্লিবা মহৈরোয়শিংনা লোল অনীমক্তা ট্রান্সলেট তৌখিবনি।
লিটরেচর ট্রান্সলেসন ইন্সটিট্যুট ওফ কোরিয়ান লেঙ্গুৱেজ না স্পোন্সর তৌদুনা ফোঙদোকখিবা লাইরিক ফোঙবগী থৌরমদুদা এম য়ূগী দিন ওফ স্কুল ওফ হ্যুমেনিটিজ ওইনা লৈরিবি প্রোফেসার টিঐচ তম্ফা দেবি, দিপার্টমেন্ট ওফ ফোরেন লেঙ্গুৱেজেস কি হেদ ওইরিবি দা. এ রোমিতা দেবি, ট্রান্সলেশন প্রোজেক্ট অদূগী মেন্টর দা.মিঞ্জে পার্ক অমদি দিপার্টমেন্ট ওফ ফোরেন লেঙ্গুৱেজেস কি প্রোগ্ৰাম দিরেক্তর প্রোফেসার হ্যুনক্যুং লি না অথোয়বা মীথূঙলেনশিং ওইনা শরূক য়ারদুনা ৱারী মচাগী লাইরিক অদূগী মতাঙদা ৱাফম কয়া ফোঙদোক্নদুনা শীঙথাখি।
লাইরিক অদূগী ওথর ওইরিবা দা. জিওন সুং টাইসু ওনলাইন গী খূত্থাঙদা, থৌরম অদূদা শরূক য়াখি। লাইরিক অদূবু ইংলিস অমদি মনিপুরি লোলশিংদা হন্দোকখিবা মাষ্টর তম্লিবা মহৈরোয়শিং অমদি লাইরিক্কি অইবা দা.জিওন সুং টাইগী মরক্তা ওনলাইন্দা ইন্টরেক্সন সেসন অমসু পাঙথোকখি।
মহাক্কি ৱারীমচাগী লাইরিক অদূ এম য়ূগী মহৈয়োয়শিংনা মনিপুরি অমসুং ইংলিস লোলদা ট্রান্সলেট তৌবিরকপগীদমক ঙমখৈ লৈতনা হরাওবগা লোয়ননা অপেনবা পোকই হায়না অইবনা ফোঙদোকখি।