ইম্ফাল ৱেষ্ট দিষ্ট্রিক্টকি মনূঙ চন্না লৈবা অৱাং সেকমাইদগী কোইরেঙ্গৈ ফাওবগী মরক্তা লৈরিবা মীয়াম্না শরুক য়ারদুনা, হৌজিক মনিপুরদা ওইরক্লিবা তমথিরবা লো এন্দ ওর্দরগী ফীভম, মীহাৎ-মীপূন কয়া অসী লোইশিন্দুনা মীয়ামদা মহৌশাগী পুন্সি মরেলদু ফংহল্লূ হায়বা দিমান্দ তৌখ্রে।
খোঙহাম্পাৎ য়ূথ ক্লব অমসুং অপূনবা মৈরা পায়বী লূপকি কম্যুনিটি হোলদা সিট-ইন-প্রোটেষ্ট পাঙথোক্তুনা তোঙান তোঙানবা দিমান্দশিং য়াওবা প্লেকার্দশিং পায়দুনা খোঙজঙ চঙশিনখি।
খূৎলায় পায়দুনা মীচম পাক্তক্ননা হাৎলক্লিবা কুকি টেরোরিষ্টশিং লাকশীনবা ঙমদ্রবা সেন্ট্রেল সেক্যুরিটি ফোর্স পূম্নমক মনিপুরদগী হনখ্রো, মীহাৎপা কুকি মিলিটেন্টশিং লাকশীনবা ঙমদ্রবনিনা মীয়ামদা লৈঙাক শিন্নরো, মীয়াম্না লৈঙাক-সাসন তৌজরগে, মীয়ামগী পুন্সি অমদি লন-থুম কল্লু, মীতোপ তকথোকউ হায়বনচিংবা প্লেকার্দশিং, খোঙজঙলোয়শিংনা শীজীন্নখি। সেকমাই, পোৎশংবম, ফৈদিঙ্গা, মহারাবি,তেন্দোংয়ান, খোঙহাম্পাৎ, কোইরেঙ্গৈ,লৈকিন্থবি, লোইতাং, অৱাং ৱাবগাইনচিংবগী মৈরা পায়বী লূপশিংনা প্রোটেষ্ট অদুদা শরুক য়াখি।
You may also like
-
মেদিয়া,জর্নেলিজমগী মরূওইবশিং খন্নখ্রে
-
থৌবাল কোর্ট কমপ্লেক্সতা এন আই এগী অখন্নবা কোর্ট অমা হাংদোকখ্রে
-
মালাবার গ্ৰূপকি হঙ্গর ফ্রী ৱার্ল্দ না লৈফম-চাফম লৈজদ্রবশিংদা অনৌবা আশা পীবা ঙম্লে
-
সূ দা লৈরিবা কূকি মিলিটেন্টশিং লাকশীন্নবা এন দব্লিয়ু য়ূনা দাবী তৌরি
-
বোম লংশিন্দুনা পোকখায়হনখ্রে, মীয়াম্না পেন্দবা ফোঙদোক্তুনা ৱাকৎ মীফম চত্থখ্রে