কুকি-নাগা কাঙলূপ অনীগী মরক্তা হৌজিক মায়োক্নরিবা অকনবা হীঙশাগী ঈরাঙ মরক্তা কাঙলূপ অমনা অতোপ্পা কাঙলূপ অমগী মীওইশিং ফাজীন্দুনা থম্নরি। ফাজীনখিবা মীওইশিং অদূ কন্দিসন অমত্তা য়াওদনা থাদোরক্কদবনি হায়না নাকল অমনা অতোপ্পা নাকলগী মীওইশিংদা তকশীন্নদুনা লাক্নরি।
নাগাশিংনা কুকি কাঙলূপকি মীওই ১৪ ফাজীনখিবদগী হৌজিক ফাওবা থাদোরক্ট্রে, মদূ থাদোক্ট্রিফাওবা কুকিশিংনা খুন্দারিবা এরিয়াশিং মতম কক্তনা টুটেল সটদাওন চত্থরগনি হায়দুনা কুকি ঈনপি মনিপুরনা থা অসীগী ১৩ দগী চত্থরকখিবা টুটেল সটদাওনগী খোঙজঙনা মরম ওইদুনা নুমিৎ মঙানিরোম ইম্ফাল জিরিবাম লম্বী, নেস্নেল হায়ৱে -৩৭ গী নোনে এরিয়াদা পন্থদুনা লৈরকখিবা মাল পুবা ট্রক ২৯৩ ইম্ফাল য়ৌরকখ্রে।
সেক্যুরিটিগী অকনবা ঙাকশেনবগী থৌরাং মখাদা ইম্ফালদা য়ৌরকখ্রবা ত্রকশিং অদূগী মনূঙদা আই ও সি এলগী টেঙ্কর ৮৫, এল পি জি বূল্লেট গারি ২২, অতৈ মাল পূবা গারি ১৮৬ য়াওরি।
হান্না জিরিবামদা পন্দুনা লৈরকখিবা মাল পুবা, আই ও সি এল টেঙ্করশিং, অমদি এল পি জি বূল্লেট গারি ১২৪ সু সেক্যুরিনা ঙাক-শেন্দুনা ইম্ফাল তম্না লাকখ্রে।
অমরোমদা, ইম্ফালদগীসু তোঙান তোঙানবা মখলগী পোৎলমশিং পুরক্কদবা মাল গারিশিং ঙরাং অয়ূক জিরিবামগীদমক ইম্ফাল থাদোকখ্রে হায়রি।
চৈরকশিদা,কুকি মিলিটেন্টশিংনা থা অসীগী ১৩ গী অয়ূক্তা ফাজীনখিবা নাগা কাঙলূপকি মীওই ৬ হৌজিকসু থাদোরকপা লৈত্রিবনি। মীচম ফাজীন্দুনা থমজিনবগী থবক-থৌওংসি হন্দক কুকিশিংনা হান্না চত্থরকপনি হায়রি।
