বি জে পি লুচিংবা হিমন্ত বিস্বা শর্মা ঙসী অয়ূক পূঙ ১১.৩০ তাবদা আসামগী চিফ মিনিষ্টর ওইনা, অমূক হন্না ৱাশক লৌরগনি।গুৱাহাটিগী খানাপরাদা লৈবা কল্লেজ ওফ ভেটরিনারি সাইন্সকি কমপ্লেক্সতা পাঙথোক্কদৌরিবা চিফ মিনিষ্টর ৱাশক লৌবগী থৌরমদুদা প্রাইম মিনিষ্টর নরেন্দ্র মোদী, য়ুনিয়ন হোম মিনিষ্টর আমিট শাহ, বিজেপিগী তোঙান তোঙানবা মকোকথোংবা লুচিংবশিংনা শরূক য়াগদৌরি।
মমাঙদা অমুক্তা ওইখিদ্রিবা মওংদা আসামগী চিফ মিনিষ্টর ৱাশক লৌগদৌরিবা অসীদা লৈবাক অসীগী বি জে পিনা লৈঙাকপা ষ্টেট খূদীঙমক্কি চিফ মিনিষ্টরশিং তঙায়ফদবা অমা ওইনা শরুক য়াননবা গুৱাহাটিদা ঙরাংদগী থুংলবা হৌখ্রে।মনিপুরগী ওইনা দিপ্যুটি চিফ মিনিষ্টর নেমচা কিপগেন, দিপ্যুটি চিফ মিনিষ্টর লোসি দিখোসু গুৱাহাটিদা থুংলখ্রে হায়রি।
মসীগীসু মথক্তা এম এল এশিং – লৈশাংথেম সুসিন্দ্রো, সাপম রঞ্জন, অৱাংবৌ ন্যুমাই, এমদি নাসীর, মোইরাং কেন্দ্রগী হান্নগী এম এল এ মাইরেম্বম প্রিথীবিরাজ নচিংবসু থৌরমদুদা শরূক য়ারুনবা ঙরাং ইম্ফাল থাদোক্নখি হায়রি।