বোর্দ ওফ সেকেন্দরি ইদুকেসন মনিপুর (বোসেম) না লৌবা হন্দক্কি কুমশিং ২০২৬ অসীগী ওইনা পাঙথোকখিবা হায় স্কুল লিভিং সার্টিফিকেট (ঐচ এস এল সী) এগজামিনেসন,২০২৬ কি রিজল্ট ঙরাং নুংথিল লাউথোকখ্রে।
হন্দক্কি অসীসু মমাঙগী চহীগুম গ্ৰেদিং সিষ্টেম ওইবা মরম্না করম্বা স্কুলনা অমদি করম্বা মহৈরোয়না মকোক-মথঙ তাবগে হায়বগী মতাঙদুদি কনামত্তনা খঙবা ঙম্নদ্রে। হন্দক্কি চহী অসীনা হৌখিবা চহী খরদগী পাস তৌবগী চাং হন্থরকপা উরে। পাস তৌবগী চাং চাদা ৮৮.৭৪ ওইরে।
কুমশিং ২০২৪ দা ঐচ এস এল সীগী ফোল লাউথোকখিবদা পাস তৌবগী চাং অসী চাদা ৯৩.০৩ ওইখিবনি।মমাঙগী চৎখিবা কুমশিং ২০২৫ দনা চাং অসী চাদা ৯১.৩৭ ওইখি।হন্দক্কি অসিদা পূন্না মহৈরোয় ৩৬,৫৭৯ এগজাম থাখিবনি।মসীগী মনূঙদা মহৈরোয় ৩২,৪৫৯ পাস তৌবা ঙমখি।
হন্দক্কি অসীদা গভর্নমেন্ট স্কুলগী ওইনা মহৈরোয় ৮১২৬ এগজাম থাবদা মহৈরোয় ৬,৩০৮ পাস তৌখি। পাস তৌবগী চাং চাদা ৭৭.৬৩ নি। এদেদ স্কুলগী মহৈরোয় ১,৪৮৩ এগজাম থাবদা মহৈরোয় ১২৪৮ পাস তৌরে।পাস তৌবগী চাং চাদা ৮৪.১৫ ওইরি। প্রিইভেৎ স্কুলগী মহৈরোয় ২৬,৯৭০ না এগজাম থাখিবদা মহৈরোয় ২৪,৯০৩ পাস তৌখিবগা লোয়ননা পাস তৌবগী চাং চাদা ৯২.৩৪ ওইখি।
You may also like
-
ষ্টেট অসিগী অহানবা ওইনা আধার সেবা কেন্দ্র হাংদোকখ্রে
-
কোব্রা কম্মান্দো নোনেদগী লৌথোকখিনবা প্রোটেষ্ট তৌরক্লে
-
এন আর সি অপদেট তৌদনা মীকোক, য়ূমকোক মশীং থীবা য়ারোই: ৱাঙম্বা
-
কোব্রাগা কাপ্নবদা নাগা ভল্লন্টিয়র অমা শিরে, জে টি সিনা নেস্নেল হায়ৱেশিং থিংজিনখ্রে
-
মণিপুরদা তোপ-মেই কাপন্নবদ খুঙংগী ভোলুন্টির অম শিখ্রে, CRPF গী মীওই অনি য়াওনা মীওই অহুম শোকখ্রে