ইম্ফাল নোংচুপ পানাগী মনূঙচন্না লম্ফেলপাত্তা লৈবা, ফমূঙ ৫০ লৈবা ইন্টিগ্ৰেটেদ আয়ুস হোস্পিটালগী মস্কুলোস্কেলেটন য়ুনিট অমদি নরানকোঞ্জিল কোর্দিনেটিং ক্লবনা শীন্দুনা আয়ুস লায়েঙ-পথাপ শীজীন্নদুনা নোংমগী ওইবা লেম্না লায়েঙবগী কেম্প অমা ঙরাং পাঙথোকখ্রে।
নেস্নেল আয়ুস মিসন অমদি দিরেক্টরেট ওফ আয়ুস, মনিপুর অনীনা ক্লব অদূগা পূন্না খূৎশম্নদুনা পাঙথোকখিবা লায়েঙবগী কেম্প অদূ নরান কোঞ্জিল ময়ায় লৈকায়দা লৈবা চীঙমাঙ কম্যুনিটি হোলদা পাঙথোকখিবনি।
মীওই ১০৫ হেনবদা লেম্না লায়েঙখিবগা লোয়ননা হীদাক লাংথকশিংসু লেম্না য়েন্থোকখি।