বিষ্ণুপুর দিষ্ট্রিক্টকি তোর্বূঙদগী লাঞ্জেল্লক্লগা হৌজিক ওইনামদা লৈবা থম্বাল মারিক কোল্লেজদা হাংবা রিলিফ কেম্পতা চঙজফম লৌদুনা লৈরিবা ইন্টর্নেল্লি দিসপ্লেস পার্সন (আই দি পি) ৱাংজম প্রেমজিৎ না চৎলিবা মে থা অসীগী মরিদগী শিদ্রিবফাওবা চরা হেনবগী খোঙজঙ চঙশীল্লকখিবা অদূ ঙসীগা থারগা নুমিৎ মরিনি শুরগনি।
লৈঙাক্কি ওফিসিয়েল অমা ওইনা ব্লোক দেভেলপমেন্ট ওফিসার (বি দি ও) নম্বোল, টি শ্যামকুমার, এম সি এস, অমদি মেদিকেল টিম অমনা প্রেমজিৎকি চরা হেল্লকপগী নীনী চনবা নুমিত্তা লাক্তুনা য়েংশিনবিরম্বা অদূ নত্তনা লৈঙাক্কি অতৈ ওফীসিয়েল অমত্তনা লাক্তুনা য়েংশিনবা লৈত্রি হায়রি।
কুকি মিলিটেন্টশিং মনিপুরদগী তকথোকউ, আই দি পিশিং মশা -মশাগী মহৌশাগী ময়ূমশিংদা হঞ্জিলহন্ননবা থবক অথূবা মতমদা লৈঙাক্না লৌখৎলু হায়বা মহাক্কি লেঙদ্রবা দিমান্দ তৌরদুনা, থা অসীগী মরিদগী শিদ্রিফাওবা চরা হেনবা হৌরক্লিবা প্রেমজিৎকি হকচাং নোংমা-নোংমগী শোকচীনবা হেল্লকপগা লোয়ননা ফম্বা,ৱা ঙাঙবা ফাওবা ঙমশিল্লক্ট্রে।
চৎলিবা মে থা অসীগী চৈচৎ অহুমদা মনিপুরগী ঈরাং অসী চপচানা চহী অহূম মপূঙ ফাখ্রবনি। মহাক্কি দিমান্দশিং অদূ লৈঙাক্না, হৌখিবা মে অহুম ফাওবদা থবক্তা ওন্থোরক্ট্রবদি মথঙ নোঙানবা নুমিৎ, মে ৪ দগী মহাক্না শিদ্রিফাউবা চরা হেনবগী খোঙজঙ চঙশীনগনি হায়না মাঙজৌননা লৈঙাক্কি অথোরিটিশিংদা, পাউমীশিংগী খূত্থাঙদা প্রেমজিৎনা ফোঙদোকখিবগী মতূঙ ইন্না থা অসীগী মরিদগী চরা হেল্লক্লবনি।
You may also like
-
কার্ল মার্ক্স কি চহী ২০৮ শুবা মপোক-কুম্মোন নীংশীং থৌরম পাঙথোকখ্রে
-
লৈখিদ্রবা এম এল এ ভুংজাগিন বাল্টেগী হকচাং বি জে পি হেদ ওফিস মমাঙদা থেন্দুনা থম্লগা জৌমিশিংনা মখোয়গী দিমান্দ তানগদৌরি
-
এম এস সি দব্লিয়ু না সেন্ট্রেল জেল ইম্ফালগা খূৎশম্নরগা ইনমেট নূপীশিংগী এৱ্যের্নেস পাঙথোকখ্রে
-
ঊখ্রূল, কামজোং মায়কৈদা ঈরাং কন্সীল্লকপদা সি এম নুঙাইত্রে, জি ও সিগা উনখ্রে
-
সেক্যুরিটি ফোর্সনা মীচঙ-মীখায় নাইদনা ঈরাং অসি কন্ট্রোল তৌহন্নিংই : নুংলুম মুইভা