কম্যুনিষ্ট মেনিফেষ্টো পুথোক্লম্বা কার্ল মার্ক্সকি চহী ২০৮ শুবা মপোক কুমওন নীংশিং থৌরম অমা থা অসীগী মঙাদা পাঙথোকখ্রে। ইম্ফাল ইষ্ট দিষ্ট্রিক্টকি সান্টিপুর সঞ্জেনবম, লোকচাওদা লৈবা ইরাবোত ম্যুজিয়ম কমপ্লেক্সতা নীংশিং থৌরম অদূ পাঙথোকখিবনি।
অওনবা মালেমগী খুনাই অমা পুরক্নবা কার্ল মার্ক্স না কম্যুনিষ্ট মেনিফেষ্টো পুথোক্লম্বনি হায়বা ৱাফম, থৌরমদুদা শরূক য়াখিবা লুচিংবশিংনা ফোঙদোকখি।চহী ১৭৮ শুরক্লবা কম্যুনিষ্ট মেনিফেষ্টো অদূ খন্ন-নৈনবনা থৌরম অদূগী মপূঙ ওইবা শক্তম ওইখি।
কুমওন থৌরম অদুদা এন আই টি য়ু সি মনিপুরগী জেনরেল সেক্রেটরি লাইশ্রম সোটিনকুমার, সি আই টি য়ু সিগী সেক্রেটরি কে ঐচ সান্তা, টি য়ু সি সিগী সেক্রেটরি কমরেদ গ্যানেশ্বর অমসুং য়ু টি ই য়ু সিগী সেক্রেটরি মনোরঞ্জন, লোয়ননা তোঙান তোঙানবা শিন্মী লুচিংবশিংনা শরূক য়াদুনা ৱা ঙাঙখি।
