কুমশিং ২০২৩ গী মে অহূমদগী মনিপুরদা কুকি -জো কাঙলূপকি মিলিটেন্টশিংনা চত্থরক্লিবা মীহাৎ মীপূন অমসুং তোঙান তোঙানবা হীঙশাগী থৌওংশিং অসীগী মনূঙচন্না চহী অদূমক্কি ওক্টোবর ৩১ দা চিন-কুকি-জো মিলিটেন্টশিংনা নোংমৈ কাপশীন্দুনা মোরেগী সব-দিভিজনেল পুলিস ওফিসার (এস দি পি ও) চীংথাম আনন্দকুমারবু তমথীনা হাৎখিবা অদূদা মরূ ওইনা চেন্নবনি হায়বা মীওই অমা নেস্নেল ইনভেষ্টিগেসন এজেন্সি (এন আই এ) না ঙরাং ফাগৎপা ঙমখ্রে। ফারবা মীওই অদুগী মমীং ওৎখোথাঙ বাইতে এলাইজ ওথাং বাইতে কৌই, তেংনৌপল দিষ্ট্রিক্ট কি মোরেদগীনি হায়রি।
আনন্দকুমার অসী লাইবক থীরবা নুমিৎ অদুদা মোরেদা লৈবা শান্নবুং অমা শেংদোক্তুনা, লূ-নান্না থম্ননবা হোৎনবগী কেম্পেইন অমদা শরূক য়াদুনা লৈরিঙৈ চৈরক্তা কুকি মিলিটেন্টশিংনা স্নাইপর রাইফল শীজীন্নদুনা নোংমৈ কাপশীল্লকপদা মহাক্কি ওইথংবা পূক্তা পানবদগী চাকখাওগী শরূক্তসু শাথীনা শোকহনখিবদগী লায়কন্নবা ঙমদনা লৈখিদবনি। থৌদোক অদূগী মতাঙদা মোরে পুলিসনা কেস অমা লৌখত্তুনা থিজিনবগী থবক চত্থরকখিবনি। মদূগী তুংদা কুমশিং ২০২৪ গী মার্চ থাদা এন আই এদা শিন্নদুনা ইনভেষ্টিগেসন এজেন্সি অসীনা থিজিনবা হৌরকখিবনি।
হন্দক্তা ইনৌ নৌনা, মমাঙগী এপ্রিল থাগী অহৌবা শরুক্তসু এস দি পি ও আনন্দকুমার হাৎপদা চেন্নবনি হায়বা কাঙ্গিন্থাং গাংটে কৌবা কুকি মিলিটেন্ট অমসু এন আই এনা ফাগৎপা ঙমখ্রবনি।
You may also like
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে