বিয়োন্দ দি হোরাইজন হায়না খঙনরিবা ক্বার্টরলি চেফোঙ অদূগী অহুমশুবা ভোল্যুম, অহানবা ইস্যু, ঙরাং মনিপুর য়ুনিভর্সিটিদা হৌনবি মতুঙ ইন্না ফোঙখ্রে।চেফোঙ পুথোকপগী থৌরম অদুদা মনিপুর য়ুনিভর্সিটিগী প্রোফেসার ওইনাম রঞ্জিৎ সিংহ, প্রোফেসার সিঐচ ইবোহল, চেফোঙ অদূগী এদিটরশিং – দা.মালেম নিংথৌজা অমসুং দা.আর কে জেক্সন না দাইজ মেম্বরশিং ওইনা শরূক য়াখি।
মালেম অসিদা থোক্লিবা থৌদোক-ৱাথোকশিং অমদি দেমোক্রেতিক ওইবা খোঙজঙশিংগা মরী লৈনবা ইকোনোমিক, পোলিটিকেল অমসুং সোসিয়ল ভ্যূ কয়াদু মরীক চূম্না ফোঙদোক্তুনা মীয়ামদা খঙহন্দুনা মতম মতমগী থৌদোকশিংগী মরমদা খুন্নাইগী মীয়ামদা লৌশিং পীবনা চেফোঙ অসীগী অহানবা পান্দম্নি হায়রি।
হন্দক্কি চেফোঙ অদুদা মালেমগী, ইন্দিয়াগী, চাইনা, ফিলিপ্পিন্স, ইরান্নচিংবগী অমদি ইন্টর্নেস্নেল লেবর দে গী মরমদা মরীক চূম্বা ৱাফম কয়া মীয়ামদা পাউদম্লি হায়রি।