গোকুল এদূকেসন ফাউন্দেসন (মেদিকেল) না রমাইয়া ইন্সটিট্যুট ওফ সাইন্স এন্দ মেনেজমেন্ত ( রিজম) লোঞ্চ তৌখ্রে

রিজম হায়রিবা ইন্সটিট্যুট অসী বেঙ্গলুরুদা লৈবা অনৌবা দিম-টু-বি য়ুনিভর্সিটি অমা ওইবগা লোয়ননা অর্টিফিসিয়েল ইন্টেলিজেন্স, এরোস্পেস ইঞ্জিনিয়ারিং অমসুং মেনেজমেন্ট ইদুকেসন হায়রিবা হীরমশিং অসিদা ইন্দষ্ট্রি-লিঙ্ক তৌদুনা মালেমগী ষ্টেন্দর্দ কা লম্বা তৌনবা ঙম্ননবা হোৎনরকপা থৌরাং অমনি। য়ুনিভর্সিটি এট আলবানিগা পার্টনর ওইমিন্নরগা ইন্সটিট্যুট অসী লোঞ্চ তৌখিবনি।
মসীগী অহানবা একাদেমিক সেসন অদূ লাক্লিবা আগষ্ট থাদগী হৌগদৌরি।ইঞ্জিনিয়ারিং, বিজিনেস অমদি সাইন্স অমদি তোঙান তোঙানবা সাইন্সকি দিসিপ্লিনশিংদা অন্দরগ্ৰেজুয়েট, পোষ্টগ্ৰেজুয়েট অমদি দোক্টরেল প্রোগ্ৰামশিং চত্থরগনি হায়রক্লি।অহানবগী ওইনা হৌদোক্লগদবা কোর্সশিংদি, কম্পুপর,সাইন্স, আর্টিফিসিয়ল ইন্টেলিজেন্স,এরোস্পেস ইঞ্জিনিয়ারিং অমসুং ইলেক্ট্রিকেল সাইন্স প্রোগ্ৰামশিংগা লোয়ননা বিবিএ, এম বি এ নচিংবা হীরমদা অহানবগী ওইনা তম্বিগনি।
মসীগী করিক্যুলমসু ইন্দষ্ট্রি একাদেমিক পার্টনরশিংগা খন্ন-নৈনরগা শেম্বনি। গোকুল ইদুকেসন ফাউন্দেসন (মেদিকেল) গী একজিক্যুটিব দিরেক্তর চিফ ষ্ট্রেটেজি ওফিসার গুরুচরন গোল্লরকারিনা হায়খিবা মতূঙ ইন্না, হৌজিক্কালগী হেঙ্গৎলক্লিবা ইন্দষ্ট্রীগী দিমান্দশিং অসীদা মহৌশাগী ওইবা ইদূকেসন মোদেলশিংগা চাশীন-চূশীন্নবা ঙম্লক্তবগী ফীভমশিং মায়োক্নরি।রিজমনা টেক্নোলোজি, বিজিনেস অমদি এপ্লাইদ লার্নীং অসী পূন্সীন্ননবা থৌরাং তৌরি।মসীনা খূমাঙ য়াঙনা চঙশীল্লক্লিবা গ্লোবেল ইকোনোমিগী হীরমশিংদা মহৈরোয়শিংবু লায়না খঙহনবা ঙমগনি হায়খি।
য়ুনিভর্সিটি এট আলবানিগী প্রসিদেন্ট হাবিদান রোদ্রিগিজনা হায়, কোল্লাবোরেসন অসীনা ইঞ্জিনিয়ারিং, কম্পুটর সাইন্স, বিজিনেস অমদি নেনোটেক্নোলোজি য়াওনা ইদুকেসন অমসুং রিসার্সকি হীরমদা হেন্না মপাঙ্গল কনখৎহল্লগনি হায়খি।রিজমগী মকোকথোংবা কেম্পস অমা বেঙ্গলুরূগী ইনফোর্মেসন টেক্নোলোজি ইনভেষ্টমেন্ট রিজন মনাক্তা লৈবা দেবনাহালিদা শেমগৎপা লোইরে।
অহানবগী থবক-থৌরম পূম্নমক য়েলাহনকা দা লৈবা ট্রাঞ্জিট কেম্পসতগী হৌদোক্কনি হায়খি।