সেন্টরদা লৈঙাক্লিবা, বিজেপিনা লুচিংবা নেস্নেল দেমোক্রেতিক এল্লাইন্স (এন দি এ) না ওপ্পোজিসনগী কাঙবূদা মরাল থঙজীন্দুনা মীয়াম্বু অরানবা মায়কৈদা লমজীঙননবা হোৎনরক্লি অদূগা মায়থীখ্রবা ৱিমেন্স রিজার্বেসন বিল, লোয়ননা দেলিমিটেসন্নচিংবা মরূওইবা লেজিসলেসন কয়ামরুম হঞ্জিন-হঞ্জিন হাওসতা পুথোক্তুনা রাজনিটিগী খুদোংচাবা লৌননবা হোৎনরক্লি হায়না মনিপুরগী হান্নগী চিফ মিনিষ্টর অমসুং এম পি সি সিগী প্রসিদেন্ট ওইনা লৈরিবা ওক্রম ইবোবিনা এন দি এ লৈঙাক্তা য়ানিংদবা ফোঙদোকখ্রে।
ঙরাং ইম্ফালগী কংগ্ৰেস ভাবন্দা পাউমীশিংদা ৱা ঙাঙবদা ইবোবিনা ৱাফম অসি ফোঙদোকখিবনি। মহাক্না হায়, মখোয়বু শৌগৎকদবা, মথৌ তাবা এম পি মশীঙ শুদবদগী এন দি এনা পুথোরকখিবা ৱিমেন এম্পৱার্মেন্ট বিল পাস তৌবা ঙমখিদ্রে হায়বা এন দি এনা খঙনা খঙনা রাজনিটিগী খুদোংচাবা লৌননবা হোৎনরি, অদূগা বিল অদূ পাস তৌরম্লবদি মখোয়না ক্রেদিৎ লৌগে হায়বনি। বিল অদূ মায়থীরগনা কংগ্ৰেস য়াওনা ওপ্পোজিসন পার্টিশিং অসী ৱিমেন এম্পৱার্মেন্ট গী মায়োক্তা লৈবশিংনি হায়না মীয়াম্বু লান্না লমজীঙননবা ঙাইহাক লৈতনা এন দি এনা হোৎনরি।
সেন্টরদা লৈঙাক্লিবা এন দি এগী থৌওংশিং অসীদগী মীয়াম চেকশীনমিন্নসি হায়বা ৱাফম ইবোবিনা ফোঙদোকখি।
You may also like
-
গোকুল এদূকেসন ফাউন্দেসন (মেদিকেল) না রমাইয়া ইন্সটিট্যুট ওফ সাইন্স এন্দ মেনেজমেন্ত ( রিজম) লোঞ্চ তৌখ্রে
-
ট্রোংলাউবি, লীতান মীহাৎকি মায়োক্তা ৱাকৎ মীফম চত্থখ্রে
-
মে অহূমদা মীয়ামগী মীফম পাঙথোক্লগনি: কোকোমি
-
এ আরগী কলম ৯ ঈরাঙ মায়োক্নরিবা ঊখ্রূলদা থাজিনখ্রে; হোম সেক্রেটরিনা সেক্যুরিটি রিভ্যু তৌখ্রে
-
মৌলানা অব্দুল হাফিজ নদৱি লৈখিদবদা আই দি সি, মনিপুরনা অৱাবা ফোঙদোরক্লি