লূপা ক্রোর ২০ চঙনা, ইম্ফাল ইষ্ট দিষ্ট্রিক্টকি মনূঙচন্না লৈরিবা লূৱাংশংবমদা শেমগৎখিবা ইন্দোর ক্রিকেট ট্রেনিং ফেসিলিটি অমা প্রাইম মিনিষ্টর নরেন্দ্র মোদিনা চৎলিবা এপ্রিল থা অসীগী ২৮ দা সিক্কিমদগী ভিদিও কনফরেন্সিংগী খুত্থাংদা ভর্চুএল ওইনা শঙ্গাখ্রে। লূৱাংপোকপা ক্রিকেট ষ্টেদিয়মদা শেমগৎপা ইন্দোর ট্রেনিং একাদেমি অসী বোর্দ ওফ কন্ট্রোল ফোর ক্রিকেট ইন ইন্দিয়া (বি সি সি আই) গী শেন্থং মখাদা শাগৎলকখিবনি। অৱাং নোংপোক লমদমদা ক্রিকেট কি ইনফ্রাষ্ট্রকচর হেন্না ফগৎহন্নবা অমসুং ক্রিকেটকি অফবা শান্নরোয়শিং পুথোকপা ঙম্নবগীদমক একাদেমি অসী শেমগৎলকখিবনি।
হৌখিবা কুমশিং ২০২৪ গী মে থাদা জয় শাহানা বি সি সি আই গী সেক্রেটরি ওইখিবা মতমদুদা প্রোজেক্ট অসীগী উরেপ-উয়ুং তমখিবনি। শঙ্গাবা থৌরম অদূদা ৱা ঙাঙবদা মনিপুর ক্রিকেট এসোসিয়েসনগী সেক্রেটরি লাইরেঞ্জম গিতারঞ্জন্না হায়, অনৌবা একাদেমি অসী শঙ্গারদুনা মীয়ামদা শিন্নরবনিনা ষ্টেট অসীসু ক্রিকেট মশান্নগী লমদা অনৌবা মায়োন অমদা চঙশীল্লকপা ঙম্লগনি।
মালেমগী থাক্তা শেমগৎলিবা ইন্দোর একাদেমি অসীদা ইন্দোর পিট্স অহুম, জিনাসিয়ম অমা, এদমিনিষ্ট্রেটিব ফেসিলিটি অমসুং হীটেদ স্বিমিং পুল য়াওরি। নোং য়াম্না চুগনবা মনিপুরদা চহী চূপ্পা ট্রেনিং চত্থবা য়াননবা পান্দমদা একাদেমি অসী শেমগৎলকখিবনি হায়না গিতারঞ্জন্না ফোঙদোকখি।
You may also like
-
এন পি সি আইনা কঞ্জুমর এৱ্যের্নেসকি থবক পাক-সন্না লৌখৎলক্লি
-
শিদ্রিফাওবা চরা হেনবগী খোঙজঙ হৌরগনি: প্রেমজিৎ
-
সি এম য়াওনা বি জে পিগী মিনিষ্টরশিং, এম এল এ অমদি থৌমী পূম্নমক খোংজোম দে থৌরমদা শরুক য়াবদা অথীংবা থম্লে: কোকোমি
-
প্রিথীবিরাজগী য়ূমদা লেম্না মীৎ লায়েংবগী কেম্প পাঙথোকখ্রে
-
শূমাঙ লিলাগী শক্নায়রবা আর্টিষ্ট ককচীং কোমোল লৈখিদ্রে